“Jenoa” hujumchisi Eldor Shomurodovning agenti Qahhor Mo‘minov mijozining “Rostov”dagi ilk maoshi qancha bo‘lganligini aytdi.
Mo‘minovning so‘zlariga ko‘ra, Eldorga “Rostov”ga o‘tishidan oldin Osiyoning bir qator boy chempionatlari, xususan, Qatar, Xitoy va BAAdan jiddiy takliflar bo‘lgan va katta miqdordagi maoshlar taklif qilingan.
Eldor Shomurodov dastlab “Rostov”da oyiga 10 ming dollar maosh olgan. Agar Qatarga ketganida dollarda millionlab maosh olishi mumkin edi, ya’ni o‘n baravar ko‘proq.Taqqoslash uchun, Shomurodovning “Jenoa”dagi hozirgi maoshi yiliga 1,3 million yevroni tashkil etadi. Genuyaliklar klubida faqat Milan Badel (1,4 million yevro) Eldordan ko‘proq maosh oladi.Qahhor Mo‘minov, futbol agenti
Eslatib o‘tamiz, Shomurodov 2020-yilgi yozgi transfer oynasida “Rostov”dan genuyaliklar safiga yo‘l oldi. Eldor “Jenoa” safida 16 ta o‘yin o‘tkazib, 2 ta gol va 2 ta golli uzatma muallifiga aylandi. Uning genuyaliklar bilan amaldagi shartnomasi 2024-yilning yozigacha mo‘ljallangan.
Mavzuga doir:
- Eldor Shomurodovga “Jenoa”dan tashqari Germaniya, Ispaniya va Belgiya klublaridan qiziqish bo‘lgani ma’lum qilindi
- Eldor Shomurodovning ayni damdagi transfer narxi qancha? Italiyalik taniqli insayder bunga javob berdi
- German Tkachenko: “Katta klublar Eldor Shomurodovdan qochib keta olmaydi”
- Janluka di Martsio: Eldor Shomurodovning “Jenoa”ga o‘tishiga Mario Balotelli voqeasi sabab bo‘lgan
- Eldor Shomurodov Italiyada qanday uyda yashayotganligini ko‘rsatdi (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)