“Jenoa” hujumchisi Eldor Shomurodov bilan hamkorlik qiladigan ProSports Management kompaniyasi direktori German Tkachenko Genuya klubining o‘zbekistonlik hujumchiga qanday e’tibor qaratganligi haqida gapirib berdi.
Biz bunga rozi bo‘lgani uchun “Rostov”dan minnatdormiz. U (Eldor) eng yaxshi to‘purar edi, shu bois ular uni sotishni xohlamadi. Menga o‘zbekistonlik futbolchining A Seriyada o‘ynashi mo‘jiza ekanligini aytishadi. Bu mo‘jiza emas, balki katta va jiddiy ishdir.Eslatib o‘tamiz, Shomurodov 2020-yilgi yozgi transfer oynasida “Rostov”dan genuyaliklar safiga yo‘l oldi. Eldor “Jenoa” safida 16 ta o‘yin o‘tkazib, 2 ta gol va 2 ta golli uzatma muallifiga aylandi. Uning genuyaliklar bilan amaldagi shartnomasi 2024-yilning yozigacha mo‘ljallangan.U darhol chet elda o‘ynamoqchi ekanligini aytgandi. Osiyo Kubogidan keyin unga Xitoy va Qatardan qiziqishlar bo‘ldi, u to‘rtta gol urib, musobaqaning ikkinchi to‘purariga aylangandi. Garchi Osiyodagi takliflar moliyaviy jihatdan foydaliroq bo‘lsa-da, Eldor Yevropaga ketishni xohladi. Biz strategiya ishlab chiqdik va Rossiya chempionatini tanladik. Karpin (Valeriy Karpin “Rostov” bosh murabbiyi — “Daryo”) u bilan taktik jihatdan juda ko‘p ishladi va Eldor muvaffaqiyatga erishdi.
Shomurodov ko‘plab gollar ura boshladi va skautlar unga e’tibor qaratdi. Biroq orada jarohat oldi va samaradorligi tushib ketdi, shunga qaramay qiziqishlar saqlanib qoldi. Yozdan beri bizga Bundesliga, ikkinchi Bundesliga (Germaniya chempionatining quyi ligasi), Ispaniyaning jiddiy klublari hamda Belgiya jamoalari “hujum” qila boshladi. Ular hujumchiga kerak bo‘lgan xususiyatlar to‘plamini tushunib yetgandi.
Dastlab Italiyadan “Sampdoriya” aloqaga chiqdi, bir haftadan so‘ng esa “Jenoa” paydo bo‘ldi. Ular (“Jenoa”) bilan muzokara olib borish oson emas, ammo “Rostov” buni uddalay oldi.
German Tkachenko, futbol agenti
Izoh (0)