Xalqaro futbol tarixi va statistikasi federatsiyasi (IFFHS) XXI asrning eng sermahsul himoyachilari reytingini e’lon qildi.
Unga ko‘ra, “Real” klubi va Ispaniya terma jamoasi markaziy himoyachisi Serxio Ramos birinchi o‘rinda bormoqda. Ramos XXI asrda klub va terma jamoa miqyosida jami 126 ta gol urishga erishgan. Ikkinchi o‘rinda yaponiyalik himoyachi Tulio Tanaka qayd etilgan. 2019-yilda faoliyatini yakunlagan futbolchi 104 ta gol urgan. Ta’kidlash joiz XXI asrda faqat Ramos va Tanaka 100 ta gollik dovondan o‘ta olgan.
Avvalroq IFFHS so‘nggi o‘n yillikning to‘purar himoyachilari ro‘yxatini e’lon qilgan va unda o‘zbekistonlik himoyachi Murod Xolmuhammedov 47 ta gol bilan 19-pog‘onada qayd etilgandi.
XXI asrning eng yaxshi to‘purar himoyachilari top-15 ligi bilan tanishing:
- Serxio Ramos (Ispaniya) — 126 ta gol
- Tulio Tanaka (Yaponiya) — 104
- Abdurrahmon Hachud (Jazoir) — 88
- Keylor Soto (Kosta-Rika) — 86
- Markus Yurgenson (Estoniya) — 85
- Dario Srna (Xorvatiya) — 79
- Jozef Chipolina (Gibraltar) — 78
- Roland Yuhaj (Vengriya) — 74
- Branislav Ivanovich (Serbiya) — 73
- Jon Terri (Angliya) — 73
- Naldo (Braziliya) — 73
- Kolin Kotes (Shimoliy Irlandiya) — 73
- Juninyo (Braziliya) — 73
- Dani Alves (Braziliya) — 72
- Muhammad Robi Mefta (Jazoir) — 70
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)