Farg‘onada Xitoydan olib kelingan va hujjatlarda “o‘yinchoqlar” deb ko‘rsatilgan tovarlar orasida 48 dona uchuvchisiz uchish qurilmasi borligi aniqlandi. Bu haqda “Daryo”ga viloyat bojxona boshqarmasi axborot xizmati ma’lum qildi.
Qayd etilishicha, Qo‘qon shahrida joylashgan korxona nomiga Xitoydan olib kelingan tovarlar viloyat bojxona boshqarmasi kontrabandaga qarshi kurashish va bojxona auditi bo‘limi hamda “Qo‘qon” tashqi iqtisodiy faoliyat bojxona posti xodimlari tomonidan bojxona ko‘rigidan o‘tkazilgan. Natijada hujjatda “o‘yinchoq” deb ko‘rsatilgan tovarlar orasida qiymati 75 million so‘mlik 48 dona foto va video tasvirga olish qurilmasi bilan jihozlangan HT Turn C Fly rusumli uchuvchisiz uchish qurilmasi borligi aniqlangan.
Hozirda mazkur holat yuzasidan bojxona organlari tomonidan tergovga qadar tekshiruv harakatlari olib borilmoqda.
Mavzuga doir:
Izoh (0)