Bugun,

  • USD 11095.31
  • RUB 173.84
  • EUR 10772.44

Davlat bojxona qo‘mitasi, Korrupsiyaga qarshi kurashish, Kontrabandaga qarshi kurashish va Bojxona auditi bosh boshqarmasi xodimlari tomonidan soxta hujjatlar bilan import operatsiyalarini amalga oshiradigan shaxslarning bojxona to‘lovlarini chetlab o‘tishga bo‘lgan urinishi aniqlandi. Bu haqda Bojxona qo‘mitasining matbuot xizmati “Daryo”ga ma’lum qildi.

Foto: Davlat bojxona qo‘mitasi

Foto: Davlat bojxona qo‘mitasi

Qayd etilishicha, fuqarolar D.Sh. va Sh.X. Xitoyda ishlab chiqarilgan, siqilgan gazda harakatlanuvchi 2 ta HOWO yuk avtomashinasini rasmiylashtirish uchun Farg‘ona viloyati bojxona boshqarmasida “Bojxona ombori” bojxona rejimiga rasmiylashtiradi.

Biroq O‘zbekiston Prezidentining 2020-yil 19-maydagi “Hududlarda ko‘p qavatli binolar qurish ishlarini jadallashtirish chora-tadbirlari to‘g‘risida”gi PQ-4718-son qaroriga muvofiq dizel yonilg‘isida harakatlanuvchi yuk avtomashinalarini 2021-yil 1-yanvargacha bo‘lgan muddatda respublikaga import qilishda imtiyoz qo‘llanilishini bilib qolgan shaxslar 1,8 milliard so‘mlik imtiyozni qo‘lga kiritish maqsadida avtomashinalarni reeksport bojxona rejimiga rasmiylashtirib, mamlakatdan qayta olib chiqib ketadi.

Oradan 1 oy vaqt o‘tib yana o‘sha shaxslar avtomashinadagi gaz ballonlarini yechib, avtomashinaga yonilg‘i bakini o‘rnatib, avtomashinaning motor qismini esa siqilgan gazda emas balki dizel yonilg‘isida harakatlanishga vaqtinchalik o‘zgartirib qayta olib kiradi. Hujjatlar ham shu yo‘sinda soxtalashtiriladi.

Qonunbuzarlar jinoiy qilmishini yashirish maqsadida avtomashinalarning soxta hujjatlarini “Toshkent-tovar” tashqi iqtisodiy faoliyat bojxona postiga taqdim etadi.

Rasmiylashtiruv jarayonida Davlat bojxona qo‘mitasidagi maxsus dasturlar va Situatsion markazdagi ma’lumotlar, shuningdek ushbu 2 ta yuk avtomashinasining identifikatsion belgilari orqali mazkur avtomashinalar ilgari mamlakatdan reeksport qilingani ma’lum bo‘ldi.

Hozirgi kunda dvigateli dizel yonilg‘isida emas, aslida siqilgan gazda harakatlanuvchi umumiy qiymati 2 milliard so‘mlik avtomashinalar vaqtincha saqlovga olindi va bojxona organlari tomonidan Jinoyat kodeksining 182-moddasining 2-qismi “a” bandi (bojxona to‘g‘risidagi qonun hujjatlarini buzish) bilan jinoyat ishi qo‘zg‘atildi.

Shuningdek, Davlat bojxona qo‘mitasining tegishli tarkibiy tuzilmalari va Davlat xavfsizlik xizmati xodimlari bilan hamkorlikda o‘tkazilgan tezkor tadbirlar davomida xorijda ishlab chiqarilgan mashinalarni import qilishda soxta hujjatlar tayyorlab berayotgan shaxslardan iborat jinoiy guruh qo‘lga olingan.

O‘tkazilgan tergov harakatlari davomida ushbu qonunbuzar shaxslarning ish joylari ko‘zdan kechirilganida tovarlarning soxta yo‘l yuk kuzatuv hujjatlarini tayyorlashda foydalaniladigan kompyuter texnikalari hamda qo‘shni davlat idoralariga tegishli bo‘lgan 10 dan ortiq muhr va shtamplar borligi aniqlandi.

Hozirda yuqoridagi jinoiy guruhning boshqa a’zolarini hamda noqonuniy xatti-harakatlarini aniqlash va chek qo‘yish maqsadida tergov harakatlari davom ettirilmoqda.

Avvalroq Namanganda 96 mln so‘mlik tamaki mahsulotlarining noqonuniy savdosiga , Toshkentda 415 mln so‘mlik parfyumeriya vositalarining noqonuniy aylanmasiga chek qo‘yilgani hamda Toshkentdagi dorixonalarning birida kuchli ta’sir qiluvchi dori vositalari noqonuniy ravishda sotilayotgani aniqlangani haqida xabar berilgandi.

Izoh
Asosiy yangiliklar
Dunyo
Alla Pugachyova, Yelena Zelenskaya va eronlik namoyishchilar BBC’ning eng nufuzli ayollar ro‘yxatiga kirdi
Mahalliy
O‘zbekistonda benzin narxlarini sun’iy oshirgan AYOQSHlarga tegishli chora ko‘rilishi ma’lum qilindi
Dunyo
Armanistonda 25 ming inson umriga zomin bo‘lgan zilzila, Yaponiyaning Perl-Harborga hujumi va Janubiy Koreya qamoqxonasida 40 yil o‘tirgan KXDR fuqarosi. Kun xrono...