Amerikaning Tennessi shtatida yashovchi 84 yoshli biznesmen Bill Dorris 2020-yilda vafot etgan. U o‘zining 8 yoshli border-kolli zotli iti — Luluga 5 million dollar meros qoldirgan, deb yozadi Esquire.
Vasiyatnomaga ko‘ra, itning xarajatlarini qoplash uchun sarflanadigan pullar maxsus fondda saqlanadi. Lulu hozirda marhumning do‘sti hamda qo‘shnisi — Marta Berton bilan yashaydi. U ilgari ham itni ko‘rgan, chunki u egasi bilan tez-tez sayrga chiqar edi. Bertonning so‘zlariga ko‘ra, u qo‘shnisining bunchalik boyligini bilmagan. Bill bir nechta mulkka egalik qilgan va investitsiyadan daromadlar olgan. Ammo uning na olilasi va na farzandlari bor.
“Rostini aytganda, nima deb o‘ylashni ham bilmayman, — deydi Berton. — Ammo Luluni juda ham yaxshi ko‘raman”.
Berton Lulu bilan vasiyat qilingan barcha mablag‘ni sarflay olishiga shubha qilsa-da, buni amalga oshirish uchun harakat qilishini hazil tarzida aytib o‘tgan.
Mavzuga doir:
- Nyu-Yorkda erkak ish beruvchisiga itni qaytarib berishdan bosh tortdi. U jonivor uchun hatto qamoqda ham o‘tirdi
- Video: Hindistonda it ibodatxonadan chiqqan odamlarning boshiga panjasini qo‘yib, go‘yoki ularni duo qilmoqda
- Fransiyalik erkak mol-mulkining bir qismini Ermitajdagi mushuklarga meros qilib qoldirdi
- AQShda beva ayol ikki mushugiga 300 ming dollar meros qoldirdi
Izoh (0)