Американинг Теннесси штатида яшовчи 84 ёшли бизнесмен Билл Доррис 2020 йилда вафот этган. У ўзининг 8 ёшли бордер-колли зотли ити — Лулуга 5 миллион доллар мерос қолдирган, деб ёзади Esquire.
Васиятномага кўра, итнинг харажатларини қоплаш учун сарфланадиган пуллар махсус фондда сақланади. Лулу ҳозирда марҳумнинг дўсти ҳамда қўшниси — Марта Бертон билан яшайди. У илгари ҳам итни кўрган, чунки у эгаси билан тез-тез сайрга чиқар эди. Бертоннинг сўзларига кўра, у қўшнисининг бунчалик бойлигини билмаган. Билл бир нечта мулкка эгалик қилган ва инвестициядан даромадлар олган. Аммо унинг на олиласи ва на фарзандлари бор.
«Ростини айтганда, нима деб ўйлашни ҳам билмайман, — дейди Бертон. — Аммо Лулуни жуда ҳам яхши кўраман».
Бертон Лулу билан васият қилинган барча маблағни сарфлай олишига шубҳа қилса-да, буни амалга ошириш учун ҳаракат қилишини ҳазил тарзида айтиб ўтган.
Мавзуга доир:
- Нью-Йоркда эркак иш берувчисига итни қайтариб беришдан бош тортди. У жонивор учун ҳатто қамоқда ҳам ўтирди
- Видео: Ҳиндистонда ит ибодатхонадан чиққан одамларнинг бошига панжасини қўйиб, гўёки уларни дуо қилмоқда
- Франциялик эркак мол-мулкининг бир қисмини Эрмитаждаги мушукларга мерос қилиб қолдирди
- АҚШда бева аёл икки мушугига 300 минг доллар мерос қолдирди
Изоҳ (0)