Britaniyalik ayol akvariumdagi sherigini yemoqchi bo‘lib, jag‘ini sindirib olgan oltin baliqni davoladi

Angliyaning Nortamberlend grafligida yashovchi Shona Xigston uyiga qaytib kelganida uning oltin balig‘i – Stivenning og‘zidan Kori ismli laqqa balig‘ining dumi chiqib turganini ko‘radi. Ma’lum bo‘lishicha, Stiven akvariumdagi sherigini yemoqchi bo‘lganida jag‘ini sindirib olgan, deb xabar beradi Esquire.

Yaxshiyamki, Shona veterinar-jarroh. U Stivenning tomog‘ini yorib, mo‘jizaviy tarzda omon qolgan baliqni qutqarib oldi. Ertasi kuni oltin baliq operatsiya xonasiga olib ketildi.

U yerda baliqni xushsizlantirib, tomog‘ini tikishdi. Uning singgan jag‘i plastik qisqich bilan mahkamlandi. Shundan so‘ng Stiven karantinli suvdonda yashadi. Shona uni qisqich yordamida oziqlantirgan.

Shonaning so‘zlariga ko‘ra, Stiven anchadan buyon o‘zini yaxshi his qilmoqda va jag‘idagi qisqichlar olingandan so‘ng akvariumga qaytgan. Baliq egasi haligacha sekin harakatlanadigan Stiven tezkor Korini qanday tutib olganini tushunmaydi. Uning ta’kidlashicha, oltin baliqlar juda g‘azabli va hamma narsani yeb qo‘yishi mumkin.