Amerikalik ayol tanasi “yurakcha”lar bilan qoplangan mushukni boqib oldi

Mushugidan ayrilganidan keyin sog‘inch azobiga chiday olmagan amerikalik ayol, aka-uka mushuklarni boqib oldi. Bu haqda Meduza xabar berdi.

Keti Duda va uning farzandlari mushugi Laki vafotidan keyin uni juda ham sog‘ingan. Keti judolikni yengishga yordam beradi degan maqsadda hayvonlar boshpanasidan ikkita mushuk River va uning ukasi Remini uyiga olib kelgan.

Ayol hayvonlarning tashqi ko‘rinishiga e’tibor bermagan, uning yagona istagi tezroq uyiga olib borib farzandlari bilan tanishtirish bo‘lgan.

https://www.instagram.com/p/CKpdkumpijW/?utm_source=ig_embed

Mushukning yangi egalarga ko‘nikishi qiyin bo‘lgan, u “uyalganicha” uyning burchaklariga berkinib olgan. Uy bekasi mushuk bilan til topishishga muvaffaq bo‘lganidan keyin esa ular do‘stlashib olgan. Shundan keyin Duda mushuk tanasining ko‘krak qismida katta yurak shaklidagi qora dog‘ bor ekaniga ahamiyat bergan.

https://www.instagram.com/p/CKpdiDaJYfX/?utm_source=ig_embed

Vaqt o‘tishi bilan ayol Riverning yon qismi, bo‘yni, panjasida ham yurak shaklidagi dog‘ bor ekanini, hatto burni ham shunday ko‘rinishda ekaniga guvoh bo‘lgan.

https://www.instagram.com/p/CKcPtpRMIrO/?utm_source=ig_embed

Dudaning hisobiga ko‘ra, mushuk tanasida yettita shunday ko‘rinishdagi, shuningdek, ma’lum rakursdan qaralgandagina yurak shakliga o‘xshatish mumkin bo‘lgan yana ikkita dog‘ bor. Bu ayol va farzandlarining hayratlanishiga sabab bo‘lgan.