Rossiyada pandemiya boshlangandan buyon 4 milliondan ortiq kishida koronavirus qayd etildi. Bu haqda Rossiya federal operativ shtabi ma’lumotiga tayanib, Meduza yozmoqda.
O‘tgan bir kecha-kunduz davomida COVID-19 yuqtirish bo‘yicha 14 494 ta yangi holat aniqlanib, virusga chalinganlar soni jami 4 012 710 nafarga yetdi.
Shtab ma’lumotlariga ko‘ra, COVID-19 tashxisi qo‘yilgan 3 516 461 kishi, shu jumladan, o‘tgan bir kecha-kunduz davomida 22 575 kishi kasallikdan sog‘aygan. Jami 78 134 (o‘tgan bir kecha kunduzda 536) kishi koronavirus qurboniga aylangan.
Rossiyaning iste’molchilar huquqlarini himoya qilish va inson farovonligini nazorat qilish bo‘yicha federal xizmati (“Rospotrebnadzor”) ma’lumotiga ko‘ra, pandemiya boshidan beri mamlakatda COVID-19 uchun 105,2 milliondan ortiq test o‘tkazilgan.
Izoh (0)