Yevrokomissiya Yaqin Sharq va Shimoliy Afrika mintaqalaridagi mamlakatlar bilan hamkorlik rejasi taqdimotini o‘tkazdi. Ittifoq 2021—2027-yillarda mazkur mintaqalardagi mamlakatlarni 7 milliard yevrogacha moliyalashtirish ishlarini tashkil etadi. Bu haqda Yevrokomissiyaning 9-fevral, seshanba kuni Bryusselda e’lon qilingan bayonotida ma’lumot berilgan, deb yozmoqda “TASS”.
Hujjatda tashabbus maxsus iqtisodiy va investitsion reja bilan amalga oshirilib, bu orqali Yevroittifoq Janubiy qo‘shnichiligi dasturidagi mamlakatlarni ijtimoiy-iqtisodiy oyoqqa turg‘azish maqsad qilingan.
“Yangi hujjatga ko‘ra, YeI 2021—2027-yillarda xalqaro hamkorlik, yaqin qo‘shnichilik va taraqqiyot loyihalari uchun 7 milliard yevrogacha mablag‘ ajratadi va bu pullar xususiy va davlat investitsiyalarining mobillashuvi natijasida keyingi o‘n yillikda 30 milliardgacha yetishi mumkin”, — deyilgan bayonotda.
Shuningdek, hujjatda yangi reja beshta soha — odam potensialini rivojlantirish, boshqaruv va huquqlarning kafolatlari; barqarorlik, taraqqiyot va raqamli texnologiyalarni rivojlantirish; tinchlik va xavfsizlik, migratsiya hamda mobillashuv; yashil energetikaga o‘tish bo‘yicha amalga oshirilishi qayd etilgan.
Yevropa Ittifoqi bilan Janubiy qo‘shnichilik dasturiga 10 ta mamlakat: Jazoir, Misr, Isroil, Iordaniya, Livan, Liviya, Marokash, Falastin, Suriya va Tunis kiritilgan.
Mavzuga doir:
- Yevropa Ittifoqi Shengen hududiga kirish uchun qo‘shimcha cheklovlarni joriy etdi
- Yevropa komissiyasi Yevropa Ittifoqiga va hamjamiyat mamlakatlari bo‘ylab safarlar bo‘yicha tavsiyalarni kuchaytirdi
- Tanzaniya hukumati Yevropa Ittifoqidan pandemiyaga qarshi kurashish uchun 27 mln yevro olishi bilan mamlakatni koronavirusdan xoli deb e’lon qildi
Izoh (0)