Россияда пандемия бошлангандан буён 4 миллиондан ортиқ кишида коронавирус қайд этилди. Бу ҳақда Россия федерал оператив штаби маълумотига таяниб Meduza ёзмоқда.
Ўтган бир кеча-кундуз давомида COVID-19 юқтириш бўйича 14 494 та янги ҳолат аниқланиб, вирусга чалинганлар сони жами 4 012 710 нафарга етди.
Штаб маълумотларига кўра, COVID-19 ташхиси қўйилган 3 516 461 киши, шу жумладан, ўтган бир кеча-кундуз давомида 22 575 киши касалликдан соғайган. Жами 78 134 (ўтган бир кеча кундузда 536) киши коронавирус қурбонига айланган.
Россиянинг истеъмолчилар ҳуқуқларини ҳимоя қилиш ва инсон фаровонлигини назорат қилиш бўйича федерал хизмати («Роспотребнадзор») маълумотига кўра, пандемия бошидан бери мамлакатда COVID-19 учун 105,2 миллиондан ортиқ тест ўтказилган.
Изоҳ (0)