Toshkentda so‘nggi 10 yil (2011—2020-yillar) davomida jamoat transportlari (avtobus) ishtirokidagi YTHlar soni to‘rt barobarga kamaydi. Bu haqda “Toshshahartransxizmat” AJ matbuot xizmati xabar berdi.
Qayd etilishicha, bu vaqt davomida “Toshshahartransxizmat” AJ tarkibidagi avtobus saroylarining haydovchilari aybi bilan sodir etilgan YTHlar soni 76 foizga, vafot etganlar soni 57 foizga, jarohatlanganlar soni 76 foizga kamaygan.
Taqqoslash uchun, 2011-yilda sodir etilgan yo‘l transport hodisasi 74 ta, vafot etganlar 7 ta, jarohat olganlar soni 83 nafarni tashkil qilgan. 2020-yilda esa yo‘l transport hodisasi soni 18 ta, vafot etganlar 3 ta, jarohat olganlar 20 nafarni tashkil etgan.
Shuningdek, ma’lum qilinishicha, 2020-yilda yo‘l-transport hodisalari soni 2019-yilga nisbatan 26 foizga, vafot etganlar soni esa 60 foizga kamaygan.
Eslatib o‘tamiz, so‘nggi marta Toshkentda MAN va Isuzu yo‘lovchi avtobuslari ishtirokidagi YTH haqida xabar berilgan edi. Avtobuslar 8-fevral kuni soat 06:50 da Toshkent shahrining Ko‘kcha Darvoza va To‘qimachi ko‘chalari kesishmasida to‘qnashgandi.
Izoh (0)