O‘zbekistonda bir qator bayramlarda ishlanmaydigan kunlar kamida uch kun deb belgilandi. Bu haqda 9-fevral, seshanba kuni imzolangan “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida”gi Prezident farmonida qayd etildi.
Unga muvofiq, Navro‘z, Mustaqillik kuni va Yangi yil bayrami hamda Ramazon hayiti va Qurbon hayiti diniy bayramlarini nishonlash davrida qo‘shimcha va ko‘chirish hisobiga ishlanmaydigan kunlar uch kundan kam bo‘lmagan muddatga belgilanadi.
Bundan tashqari, ota-onalar, qarindoshlar, qariyalar va ustozlar bilan birgalikda sayohat qilishni nazarda tutuvchi 5 ish kunidan kam bo‘lmagan “oilaviy sayohat ta’tili” tizimi joriy qilinadi.
Bunda “oilaviy sayohat ta’tili” yillik asosiy ta’til hisobidan taqdim etiladi va jamoaviy shartnomalarga muvofiq ish beruvchining roziligi bilan amalga oshiriladi.
Izoh (0)