Тошкентда сўнгги 10 йил (2011—2020 йиллар) давомида жамоат транспортлари (автобус) иштирокидаги ЙТҲлар сони тўрт баробарга камайди. Бу ҳақда «Тошшаҳартрансхизмат» АЖ матбуот хизмати хабар берди.
Қайд этилишича, бу вақт давомида «Тошшаҳартрансхизмат» АЖ таркибидаги автобус саройларининг ҳайдовчилари айби билан содир этилган ЙТҲлар сони 76 фоизга, вафот этганлар сони 57 фоизга, жароҳатланганлар сони 76 фоизга камайган.
Таққослаш учун, 2011 йилда содир этилган йўл транспорт ҳодисаси 74 та, вафот этганлар 7 та, жароҳат олганлар сони 83 нафарни ташкил қилган. 2020 йилда эса йўл транспорт ҳодисаси сони 18 та, вафот этганлар 3 та, жароҳат олганлар 20 нафарни ташкил этган.
Шунингдек, маълум қилинишича, 2020 йилда йўл-транспорт ҳодисалари сони 2019 йилга нисбатан 26 фоизга, вафот этганлар сони эса 60 фоизга камайган.
Эслатиб ўтамиз, сўнгги марта Тошкентда MAN ва Isuzu йўловчи автобуслари иштирокидаги ЙТҲ ҳақида хабар берилган эди. Автобуслар 8 февраль куни соат 06:50 да Тошкент шаҳрининг Кўкча Дарвоза ва Тўқимачи кўчалари кесишмасида тўқнашганди.
Изоҳ (0)