Toshkent viloyatida quvvati 240 MVt bo‘lgan issiqlik elektr stansiyasi quriladi. Bu haqda Prezidentning 2-fevralda imzolagan qarorida belgilandi, deb xabar bermoqda “Gazeta.uz”.
Hujjatga asosan, Investitsiyalar va tashqi savdo vazirligi va Turkiyaning Cengiz Enerji (investor) va Cenergo (loyiha kompaniyasi) o‘rtasida investitsiya bitimi imzolangan.
Shuningdek, “O‘zbekiston milliy elektr tarmoqlari” (O‘MET) AJ va Cenergo o‘rtasida elektr energiyasini sotib olish to‘g‘risidagi bitim tasdiqlangan. Shartnomaga muvofiq, Cenergo ishlab chiqarilgan elektr energiyasini O‘METga sotishni, O‘MET esa uni 25 yil davomida kafolatlangan tarzda sotib olishni o‘z zimmasiga oladi.
Prezidentning Toshkent viloyatida 850 MVt quvvatga ega IES qurish to‘g‘risida”gi 2019-yil 13-apreldagi qarori o‘z kuchini yo‘qotgan deb topildi.
Avvalroq Investisiya va tashqi savdo vazirligi Toshkent viloyatida IES qurilishiga 150 million dollargacha bo‘lgan miqdorda Turkiyaning to‘g‘ridan to‘g‘ri investitsiyalari jalb qilinishi va u yiliga 2 milliard kVt/s miqdorida arzon elektr energiyasini ishlab chiqarishni ta’minlash imkonini berishi haqida xabar bergandi.
Izoh (0)