O‘zbekistonda tadbirkorlarning radari aniqlagan jarimalar qanday taqsimlanishi ma’lum bo‘ldi

Ichki ishlar vazirligi “Davlat tomonidan tartibga solinadigan sohalarga xususiy sektorni jalb etish bo‘yicha qo‘shimcha chora-tadbirlar to‘g‘risida”gi Vazirlar Mahkamasi qarori loyihasini muhokamaga qo‘ydi.

Unga ko‘ra, tadbirkorlik subyektlari tomonidan avtomobil yo‘llarida yo‘l harakati qoidalari buzilganligini qayd etuvchi maxsus avtomatlashtirilgan foto va video qayd etish dasturiy-texnik vositalarning, shuningdek, og‘irlik va gabarit nazorati bo‘yicha statsionar shoxobchalarning texnik ekspluatatsiyasi va uzluksiz ishlashini ta’minlash, shu jumladan, joriy elektr energiyasi va aloqa kanallari xarajatlarini qoplash tadbirkorlik subyektlari tomonidan mustaqil ravishda amalga oshiriladi.

Tadbirkorlik subyektlariga tegishli maxsus avtomatlashtirilgan foto va video qayd etish dasturiy-texnik vositalar hamda tegishli og‘irlik va gabarit nazorati bo‘yicha statsionar shoxobchalar orqali qayd etilgan yo‘l harakati qoidalari buzilganligi uchun jarimalar summasi quyidagicha taqsimlanadi:

Nizomga ko‘ra, tizim o‘rnatilishi mumkin bo‘lgan joyning dislokatsiyasi va minimal qiymati (boshlang‘ich narxi), mazkur hududdagi transport oqimi va oxirgi ikki yilda aniqlangan yo‘l harakati qoidalari turlari bo‘yicha qoidabuzarliklar to‘g‘risidagi ma’lumotlar hududiy yo‘l harakati xavfsizligi boshqarmalari tomonidan E-Ijro Auksion tizimidagi alohida veb-sahifada e’lon qilinadi.

Tizim o‘rnatiladigan joyni tadbirkorlik subyektlariga biriktirish elektron auksion savdolari orqali amalga oshiriladi.

Elektron auksion savdolarida g‘olib bo‘lgan tadbirkorlarga bunday joylar cheklanmagan muddatga va boshqa tadbirkorga o‘tkazish huquqi bilan biriktiriladi. Shunga ko‘ra, 2021—2022-yillarda respublika bo‘yicha jami 3356 ta intellektual videokamera hamda 763 ta statsionar radar o‘rnatiladi.