Dunyo bo‘ylab har yili 100 mingta boladan 16-18 tasida saraton kasalligi aniqlanadi. Leykemiya, bosh miya shishlari, limfoma, buyraklar, ko‘z, suyaklar va yumshoq to‘qimalarning saraton kasalliklari eng ko‘p uchraydi. Acıbadem klinikasining bolalar onkologiyasi bo‘yicha yetakchi mutaxassisi, professor Funda Chorapchiogluning so‘zlariga ko‘ra, bolalardagi saraton kattalarnikiga qaraganda tajovuzkorroq (agressivroq), ammo ularga davo muolajalari yaxshiroq ta’sir qiladi. O‘z vaqtida va to‘g‘ri davolanganda saraton kasalliklarining 70 foizdan ko‘prog‘i davolanadi va saratonning ayrim turlari bo‘yicha hayotni saqlab qolish darajasi 90 foizdan oshadi. Professor bolalari kasal bo‘lgan ota-onalarga umidini yo‘qotmaslik, shifokorlarga ishonish va yolg‘on ma’lumotlardan saqlanishni maslahat beradi.
Qizil bayroqchalar
Shifokorning so‘zlariga ko‘ra, bolalardagi saraton kasalligining sabablari noma’lum. Atrof-muhit kattalarda onkologiya paydo bo‘lishiga ta’sir qiladi, bolalarda esa bu ta’sir isbotlanmagan. Ma’lumki (ba’zi hollarda) saratonning ayrim turlari nasldan naslga o‘tadi. Shu nuqtayi nazardan, saraton kasalligining oldini olish mumkin emas, shuning uchun kasallikni o‘z vaqtida aniqlash juda muhimdir.
Ota-onalar quyidagi belgilarga e’tibor berishlari kerak: bolada uzoq muddatli charchoq, teri rangi o‘chganligi va o‘ziga xos bo‘lmagan toshmalar. Bo‘yin, qo‘ltiq osti yoki qorin bo‘shlig‘idagi limfa tugunlari (limfoma, leykemiya yoki neyroblastoma belgilari) kattalashganda hushyor bo‘ling. Siydikdagi qon, bosh og‘riqlari, qusish holatlari hamda eshitish, ko‘rishning yomonlashishi (bosh miya shishi bilan bog‘liq buzilishlar) xavotirli alomatlar bo‘lishi mumkin.
Bolalar ko‘pincha butunlay tuzalib ketadi
Bolalar onkolog shifokori bolalardagi saraton tez rivojlanib borishiga e’tibor qaratmoqda. Ammo shunga qaramay, davolash samaradorligi ham yuqori. Quyidagi usullar birgalikda yoki alohida qo‘llaniladi: kimyoviy terapiya, nur terapiyasi va jarrohlik. Masalan, bosh miya shishi uchun ko‘pincha kimyoviy terapiya va nur terapiyalari qo‘llaniladi.
Funda Chorapchiogluning aytishicha, hozirgi kunda onkologiyani davolash yangi bosqichda. So‘nggi 20 yil ichida davolash bayonnomalari va usullarida ko‘plab kashfiyotlar mavjud. Davolash rejalari takomillashdi, o‘zak hujayralari transplantatsiyasidan keng foydalanila boshlandi. Eng muhim yutug‘imiz – bu targetli (maqsadli) terapiya bo‘lib, unda davolash aniq o‘smalarga yo‘naltiriladi va ularni yo‘q qiladi. Shifokor kelajakda kimyoviy terapiyani bemorning shaxsiy xususiyatlariga yanada moslashtirilishiga ishonadi. O‘z vaqtida davolashni zamonaviy usullar bilan ta’minlaydigan malakali shifokorlarga murojaat qilish muhimdir.
Bolalar saratoni rangli rasmlarda
Boladagi saraton kasalligini davolash – bu alohida jarayon. Bolalar uzoq muddatli davolanishga, o‘zlarini yomon his qilishga va klinikada bo‘lishga tayyor emaslar. Shuning uchun, davolanish tugaganidan keyin stressning oldini olish uchun ularga maxsus yondashuv kerak. Shifokorning so‘zlariga ko‘ra, bolani nafaqat jismonan, balki hissiy jihatdan ham sog‘lom chiqarish kerak. Buning uchun ular o‘z jamoasi bilan birgalikda kasal bolalar va ularning ota-onalari uchun baxtli yakunlanadigan kitob yozdilar. Onkologik dardi bo‘lgan bolani davolash haqidagi ushbu hikoya bolalar uchun sodda va tushunarli tilda yozilgan, yorqin rasmlar bilan boyitilgan. Chindan ham baxtli yakunga erishish uchun individual davolash rejasini tuzish va eng yangi texnologiyalarni qo‘llash maqsadida birlashadigan ko‘plab mutaxassislarning jamoaviy ishi talab etiladi. Ularning barchasi pediatriyada katta tajribaga ega bo‘lishi kerak, chunki bolalar alohida yondashuvni talab qiladi. Acıbadem klinikasining onkologiya bo‘limida radiologiya, jarrohlik, onkologiya, yadro tibbiyoti va neyroxirurgiya bo‘yicha mutaxassislar ishlaydi. Bu yerga butun dunyodan bolalar kelib davolanadi va terapiya 6 oydan 1 yilgacha davom etganligi sababli, yosh bemorlar uchun maktab ham faoliyat yuritadi.
Internetga emas, balki shifokorlarga ishoning!
Funda Chorapchiogluning aytishicha, bunday mashaqqatli mehnatga undaydigan asosiy omil bu baxtli bolalar va ota-onalardir.
Professor bolaligida kasallikdan sog‘ayib ketib, voyaga yetgach ismini shifokorga bag‘ishlab Funda, deb qo‘ygan qiz bilan birga qabulga tashrif buyurgani haqida hikoya qilib berdi.
Acıbadem xodimlari farzandlari saraton kasalligiga chalingan barcha ota-onalarga umidini yo‘qotmaslikni maslahat beradi. Tashxis haqiqatdan ham jiddiy, ammo internetda maslahat izlamang, tajribali shifokorlarga va haqiqiy davolanish usullariga: kimyoviy terapiya, nur terapiyasi va jarrohlikka ishonishingiz kerak.
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.
Telefon: (+99895) 144-54-45
Shuningdek, rasmiy sayt orqali barcha kerakli ma’lumotlarga ega bo‘lishingiz mumkin: www.acibadem.com.ru
Reklama huquqi asosida.
Izoh (0)