Дунё бўйлаб ҳар йили 100 мингта боладан 16-18 тасида саратон касаллиги аниқланади. Лейкемия, бош мия шишлари, лимфома ҳамда буйраклар, кўз, суяклар ва юмшоқ тўқималарнинг саратон касалликлари энг кўп учрайди. Acıbadem клиникасининг болалар онкологияси бўйича етакчи мутахассиси, профессор Фунда Чорапчиоглунинг сўзларига кўра, болалардаги саратон катталарникига қараганда тажовузкорроқ (агрессивроқ), аммо уларга даво муолажалари яхшироқ таъсир қилади. Ўз вақтида ва тўғри даволанганда саратон касалликларининг 70 фоиздан кўпроғи даволанади ва саратоннинг айрим турлари бўйича ҳаётни сақлаб қолиш даражаси 90 фоиздан ошади. Профессор болалари касал бўлган ота-оналарга умидини йўқотмаслик, шифокорларга ишониш ва ёлғон маълумотлардан сақланишни маслаҳат беради.
Қизил байроқчалар
Шифокорнинг сўзларига кўра, болалардаги саратон касаллигининг сабаблари номаълум. Атроф-муҳит катталарда онкология пайдо бўлишига таъсир қилади, болаларда эса бу таъсир исботланмаган. Маълумки (баъзи ҳолларда) саратоннинг айрим турлари наслдан наслга ўтади. Шу нуқтаи назардан, саратон касаллигининг олдини олиш мумкин эмас, шунинг учун касалликни ўз вақтида аниқлаш жуда муҳимдир.
Ота-оналар қуйидаги белгиларга эътибор беришлари керак: болада узоқ муддатли чарчоқ, тери ранги ўчганлиги ва ўзига хос бўлмаган тошмалар. Бўйин, қўлтиқ ости ёки қорин бўшлиғидаги лимфа тугунлари (лимфома, лейкемия ёки нейробластома белгилари) катталашганда ҳушёр бўлинг. Сийдикдаги қон, бош оғриқлари, қусиш ҳолатлари ҳамда эшитиш, кўришнинг ёмонлашиши (бош мия шиши билан боғлиқ бузилишлар) хавотирли аломатлар бўлиши мумкин.
Болалар кўпинча бутунлай тузалиб кетади
Болалар онколог шифокори болалардаги саратон тез ривожланиб боришига эътибор қаратмоқда. Аммо шунга қарамай, даволаш самарадорлиги ҳам юқори. Қуйидаги усуллар биргаликда ёки алоҳида қўлланилади: кимёвий терапия, нур терапияси ва жарроҳлик. Масалан, бош мия шиши учун кўпинча кимёвий терапия ва нур терапиялари қўлланилади.
Фунда Чорапчиоглунинг айтишича, хозирги кунда онкологияни даволаш янги босқичда. Сўнгги 20 йил ичида даволаш баённомалари ва усулларида кўплаб кашфиётлар мавжуд. Даволаш режалари такомиллашди, ўзак ҳужайралари трансплантациясидан кенг фойдаланила бошланди. Энг муҳим ютуғимиз – бу таргетли (мақсадли) терапия бўлиб, унда даволаш аниқ ўсмаларга йўналтирилади ва уларни йўқ қилади. Шифокор келажакда кимёвий терапияни беморнинг шахсий хусусиятларига янада мослаштирилишига ишонади. Ўз вақтида даволашни замонавий усуллар билан таъминлайдиган малакали шифокорларга мурожаат қилиш муҳимдир.
Болалар саратони рангли расмларда
Боладаги саратон касаллигини даволаш – бу алоҳида жараён. Болалар узоқ муддатли даволанишга, ўзларини ёмон ҳис қилишга ва клиникада бўлишга тайёр эмаслар. Шунинг учун, даволаниш тугаганидан кейин стресснинг олдини олиш учун уларга махсус ёндашув керак. Шифокорнинг сўзларига кўра, болани нафақат жисмонан, балки ҳиссий жиҳатдан ҳам соғлом чиқариш керак. Бунинг учун улар ўз жамоаси билан биргаликда касал болалар ва уларнинг ота-оналари учун бахтли якунланадиган китоб ёздилар. Онкологик дарди бўлган болани даволаш ҳақидаги ушбу ҳикоя болалар учун содда ва тушунарли тилда ёзилган, ёрқин расмлар билан бойитилган. Чиндан ҳам бахтли якунга эришиш учун индивидуал даволаш режасини тузиш ва энг янги технологияларни қўллаш мақсадида бирлашадиган кўплаб мутахассисларнинг жамоавий иши талаб этилади. Уларнинг барчаси педиатрияда катта тажрибага эга бўлиши керак, чунки болалар алоҳида ёндашувни талаб қилади. Acıbadem клиникасининг онкология бўлимида радиология, жарроҳлик, онкология, ядро тиббиёти ва нейрохирургия бўйича мутахассислар ишлайди. Бу ерга бутун дунёдан болалар келиб даволанади ва терапия 6 ойдан 1 йилгача давом этганлиги сабабли, ёш беморлар учун мактаб ҳам фаолият юритади.
Интернетга эмас, балки шифокорларга ишонинг!
Фунда Чорапчиоглунинг айтишича, бундай машаққатли меҳнатга ундайдиган асосий омил бу бахтли болалар ва ота-оналардир.
Профессор болалигида касалликдан соғайиб кетиб, вояга етгач исмини шифокорга бағишлаб Фунда, деб қўйган қиз билан бирга қабулга ташриф буюргани ҳақида ҳикоя қилиб берди.
Acıbadem ходимлари фарзандлари саратон касаллигига чалинган барча ота-оналарга умидини йўқотмасликни маслаҳат беришади. Ташхис ҳақиқатдан ҳам жиддий, аммо интернетда маслаҳат изламанг, тажрибали шифокорларга ва ҳақиқий даволаниш усулларига: кимёвий терапия, нур терапияси ва жарроҳликка ишонишингиз керак.
Туркиядаги Acibadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин: Тошкент шаҳри, Мирзо Улуғбек тумани, Буюк ипак йўли мавзеси, 19 уй.
Телефон: (+99895) 144-54-45
Шунингдек, расмий сайт орқали барча керакли маълумотларга эга бўлишингиз мумкин: www.acibadem.com.ru
Реклама ҳуқуқи асосида.
Изоҳ (0)