O‘zbekistonning tuproq-iqlim sharoiti dorivor o‘simliklarning qimmatli turlarini yetishtirish uchun juda qulay sanaladi. Bu haqida Sharqning buyuk tabibi Abu Ali Ibn Sino o‘zining “Tib qonunlari” asarida alohida ta’kidlaydi. Jumladan, asarda za’faronning 100 dan ortiq turdagi kasalliklarni davolashda ishlatilishi ta’kidlangan.
Shuni ta’kidlash lozimki, yurtimizda za’faron plantatsiyalari 2017-yilda O‘zbekiston Respublikasi Prezidenti Shavkat Mirziyoyev tashabbusi bilan amalga oshirilayotgan chora-tadbirlar doirasida barpo etilmoqda.
BMB Za’faron yangi brendi uchun za’faron plantatsiyalari BMB Shifo sho‘ba korxonasi tomonidan 2020-yilda yaratilgan. Jizzax viloyatining Baxmal tumanida dorivor o‘simliklar yetishtirishga ixtisoslashtirilgan mazkur korxona mamlakatimizning eng qulay va ekologik toza hududlaridan birida faoliyat olib boradi.
Mazkur brend za’faron mahsuloti mahalliy va xorijiy mutaxassislar tomonidan yuqori baholanib, tegishli sertifikatlar bilan tasdiqlangan.
2021-yilning 5-fevral kuni BMB Trade Group kompaniyasi poytaxtimizdagi Hyatt Regency Tashkent mehmonxonasida davlat va jamoat arboblari, xorijiy davlatlarning yurtimizdagi diplomatik vakolatxonalari, el ardog‘idagi san’atkorlar, ishbilarmonlar, ommaviy axborot vositalari vakillari hamda taniqli blogerlar ishtirokida za’faron maxsulotining BMB Za’faron brendi taqdimoti o‘tkazildi.
Mazkur taqdimot hamkorlari sifatida O‘zbekiston Respublikasi Investitsiyalar va tashqi-savdo vazirligi, O‘zbekiston Respublikasi O‘rmon xo‘jaligi davlat qo‘mitasi, Sog‘liqni saqlash innovatsion rivojlantirish milliy palatasi, “Kafil” sug‘urta kompaniyasi va “Shafran” ilmiy-tadqiqot markazi ishtirok etishdi.
Tadbir avvalida, BMB Trade Group kompaniyasi kuzatuv kengashi raisi Bekzod Mamatqulovga kirish so‘zi berildi va tadbir tantanali ochiq, deb e’lon qilindi.
Za’faron foydali xususiyatlarini o‘rganishda katta hissa qo‘shgan tabobat ilmi sultoni Abu Ali Ibn Sino siymosi aks ettirilgan sahna ko‘rinishi mehmonlarda chuqur taassurot qoldirdi.
Soha mutaxassislari tomonidan ishtirokchilar e’tiboriga taqdim etilayotgan za’faron mahsulotining yangi BMB Za’faron brendi haqida tadbir mehmonlari tomonidan ijobiy fikrlar bildirib o‘tildi.
Shuningdek, Toshkent vrachlar malakasini oshirish instituti kafedra mudiri, professor, tibbiyot fanlari doktori Feruza Ibragimovna Hamrabayeva shafran damlasini tayyorlash va uning inson organizmi uchun foydali xususiyatlari haqida nutq so‘zladi.
Taqdimot davomida ishtirokchilar O‘zbekiston xalq artisti, mohir opera ijrochisi Ramiz Usmonovning qo‘shiq sadolari ostida inson salomatligi uchun shifobaxsh bo‘lgan za’faron damlamasidan tatib ko‘rishdi.
BMB Za’faron brendi ostida taqdim etilayotgan za’faron mahsulotining tarixi, ishlab chiqarish jarayonini o‘zida to‘liq va batafsil mujassam etgan maxsus videorolik namoyishi ham tadbir qatnashchilari o‘rtasida alohida unutilmas taassurot qoldirdi.
Tadbir so‘nggida O‘zbekiston Respublikasi O‘rmon xo‘jaligi davlat qo‘mitasi raisining birinchi o‘rinbosari Olim Arzikulovich Hakimov hamda BMB Trade Group kompaniyasi ijrochi direktori Abdurashid Sharufutdinov o‘zaro hamkorlik haqidagi kelishuvni imzoladi.
Shuningdek, BMB Trade Group kompaniyasi bosh direktori Baxtiyor Zulfiqorov za’faron eksporti yuzasidan Saudiya Arabistonining STE kompaniyasi bosh direktori, janob Ubaydullox bilan distribyutorlik kompaniyasining tijorat direktori Mirg‘ulom Usmanov va Gana davlatining Hairmik Ventures kosmetika kompaniyasi bosh direktori Emmanuella Kvofi xonim bilan “fyuchers” shartnomalari onlayn formatda imzolandi.
Ushbu imzolangan shartnoma va kelishuvlarning asosiy ahamiyati shundaki, mamlakatimiz rahbariyati tomonidan mahalliy mahsulotlarni eksport hajmini yanada oshirishga va eksport bozorlarining jug‘rofiyasini, shu jumladan, Yaqin Sharq va Afrika davlatlari misolida yanada kengaytirishga xizmat qiladi.
Taqdimot shukuhini oshirish maqsadida mamlakatimizning taniqli san’at namoyondalaridan biri, O‘zbekistonda xizmat ko‘rsatgan artist Ziyoda Qobilova tomonidan xalq orasida mashhur bo‘lgan xit qo‘shiqlari ijro etildi.
Barcha ishtirokchilarga BMB Za’faron brendi mahsuloti tadbir tashkilotchilari tomonidan qimmatbaho sovg‘a sifatida tarqatildi.
Umuman olganda, BMB Za’faron brendining bo‘lib o‘tgan taqdimoti mamlakatimiz ichki za’faron bozorida yangi o‘yinchi paydo bo‘lishini anglatadi. Bu esa o‘z navbatida dorivor o‘simliklar bozorida sog‘lom raqobat muhitini shakllantirishga yordam beradi.
BMB Trade Group matbuot xizmati
Telefon: (+998 71) 230 22 99
E-mail: www. info@bmb-tg.uz
Reklama huquqi asosida.
Izoh (0)