UFC. Aleksandr Volkov Alistar Overimni 2-raundda, Kori Sendhagen esa Frenki Edgarni 28 soniya ichida nokautga uchratdi

Las-Vegas shahrida Toshkent vaqti bilan 7-fevral tongida UFC Vegas 18 musobaqasi bo‘lib o‘tdi.

Musobaqaning asosiy jangi og‘ir vazn toifasi vakillari Aleksandr Volkov va Alistar Overim o‘rtasida kechdi. Unda rossiyalik sportchi ikkinchi raundda raqibini nokautga uchratdi.

Yana bir markaziy jangda o‘ta yengil vazn toifasi vakillari Kori Sendhagen va Frenki Edgar o‘zaro to‘qnash keldi. Bellashuvning 28-soniyasidayoq Sendhagen tizza zarbasi bilan raqibini dahshatli nokautga uchratdi.

UFC Vegas 18 janglari videolarini bu yerda ko‘rish mumkin — havola.

Asosiy kardning qolgan natijalari bilan tanishing:

• Aleksandr Volkov (33-8) 2-raunddagi texnik nokaut evaziga Alistar Overimni (47-19) yengdi;
• Kori Sendhagen (14-2) 1-raundda Frenki Edgarni (24-9-1) nokautga uchratdi;
• Kley Guida (36-20) ochkolar hisobiga Maykl Jonsondan (19-17) ustun keldi — (30-27, 30-27, 30-27);
• Aleshandre Pantoya (23-5) hakamlar qaroriga ko‘ra Manel Kape (15-5) ustidan g‘alaba qozondi — (29-28, 29-28, 30-27);
• Beneyl Dariush (20-4-1) hakamlar qaroriga ko‘ra Karlos Diyego Ferreyrani (17-3) yengdi — (29-28, 28-29, 29-28).