Futbol bo‘yicha Italiya A Seriyasining 21-turida “Jenoa” 6-fevral, shanba kuni “Napoli”ni qabul qildi.
Uchrashuvning 11-daqiqasida Goran Pandev genuyaliklarni hisobda oldinga olib chiqqan bo‘lsa, oradan ko‘p o‘tmay makedoniyalik futbolchining o‘zi dubl qayd etgan holda “Jenoa”ning ikkinchi golini urdi.
Shundan keyin ustunlik neapolliklar tomoniga o‘tdi. Jennaro Gattuzo shogirdlarining qator urinishlari 79-daqiqaga kelib o‘z samarasini berdi: Matteo Politano hisobni qisqartirishga erishdi. Biroq qolgan vaqtda farq o‘zgarmadi.
Eldor Shomurodov kichik jarohat sabab mazkur o‘yinda jamoasiga yordam bera olmadi.
Ushbu g‘alabadan keyin “Jenoa” ochkolarini 24 taga yetkazib olgan holda 11-o‘ringa ko‘tarildi. “Napoli” (37) esa 5-pog‘onada bormoqda.
A Seriya
21-tur bahsi
6-fevral, shanba
“Jenoa” — “Napoli” 2:1
Gollar: 1:0 – 11 Pandev, 2:0 – 26 Pandev, 2:1 – 79 Politano.“Jenoa”: Perin, Zappakosta, Goldaniga, Krishito, Chiborra, Strotman (Behrami, 68), Radovanovich, Badel, Zays (Rovella, 88), Pandev (Skamakka, 68), Destro (Portanova, 79).
“Napoli”: Ospina, Di Lorenso, Mariu Ruy, Maksimovich, Manolas (Rrahmani, 68), Elmaz, Demme (Bakayoko, 78), Losano, Zelinski (Insinye, 54), Politano, Petanya (Osimhen, 54).
Ogohlantirishlar: Badel (29), Chiborra (57), Losano (73), Mariu Ruy (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)