UFC. Александр Волков Алистар Оверимни 2-раундда, Кори Сендҳаген эса Фрэнки Эдгарни 28 сония ичида нокаутга учратди

Лас-Вегас шаҳрида Тошкент вақти билан 7 февраль тонгида UFC Вегас 18 мусобақаси бўлиб ўтди.

Мусобақанинг асосий жанги оғир вазн тоифаси вакиллари Александр Волков ва Алистар Оверим ўртасида кечди. Унда россиялик спортчи иккинчи раундда рақибини нокаутга учратди.

Яна бир марказий жангда ўта енгил вазн тоифаси вакиллари Кори Сендҳаген ва Фрэнки Эдгар ўзаро тўқнаш келди. Беллашувнинг 28-сониясидаёқ Сендҳаген тизза зарбаси билан рақибини даҳшатли нокаутга учратди.

UFC Вегас 18 жанглари видеоларини бу ерда кўриш мумкин — ҳавола.

Асосий карднинг қолган натижалари билан танишинг:

• Александр Волков (33-8) 2-раунддаги техник нокаут эвазига Алистар Оверимни (47-19) енгди;
• Кори Сендҳаген (14-2) 1-раундда Фрэнки Эдгарни (24-9-1) нокаутга учратди;
• Клей Гуида (36-20) очколар ҳисобига Майкл Жонсондан (19-17) устун келди — (30-27, 30-27, 30-27);
• Алешандре Пантоя (23-5) ҳакамлар қарорига кўра Манел Капе (15-5) устидан ғалаба қозонди — (29-28, 29-28, 30-27);
• Бенейл Дариуш (20-4-1) ҳакамлар қарорига кўра Карлос Диего Феррейрани (17-3) енгди — (29-28, 28-29, 29-28).