Futbol bo‘yicha Angliya chempionatining 23-turida “Manchester Yunayted” 6-fevral, shanba kuni “Everton”ni qabul qildi.
Uchrashuvning 24-daqiqasida Edinson Kavani mezbonlarni hisobda oldinga olib chiqqan bo‘lsa, bo‘lim so‘ngida Brunu Fernandesh jamoasining ikkinchi golini urdi.
Ikkinchi bo‘lim debyutida mersisaydliklar Xames Rodriges va Abdullaye Dukurening gollaridan keyin muvozanatni tikladi. 70-daqiqada Skott Maktinimey maydon egalarini yana oldinga olib chiqishga erishdi, ammo hakam tomonidan qo‘shib berilgan vaqt yakunlanishi arafasida Dominik Kelvert-Lyuin hisobni tenglashtirdi.
“Manchester Yunayted” 45 ochko bilan 2-o‘rinda qoldi va ikkita zaxira o‘yiniga ega “Manchester Siti”dan 2 ochkoga ortda qolmoqda. “Everton” (37) esa 6-pog‘onadan joy olgan.
APL
23-tur bahslari
6-fevral, shanba
“Manchester Yunayted” — “Everton” 3:3
Gollar: 1:0 – 24 Kavani, 2:0 – 45 Brunu Fernandesh, 2:1 – 49 Dukure, 2:2 – 52 Xames, 3:2 – 70 Maktominey, 3:3 – 90+5 Kelvert-Lyuin.“Manchester Yunayted”: De Xea, Uan-Bissaka, Maguayr, Shou, Lindelyof, Brunu Fernandesh, Maktominey, Pogba (Fred, 39), Kavani, Reshford, Grinvud (Tuanzebe, 90).
“Everton”: Olsen, Din, Kin, Godfri, Holgeyt, Dukure (King, 81), Devis (Ivobi, 75), Andre Gomesh, Xames (Sigurdsson, 69), Risharlison, Kelvert-Lyuin.
Ogohlantirishlar: Shou (73), Kin (80), Tuanzebe (90+3).
“Byornli” — “Brayton” 1:1
Gollar: 0:1 – 36 Dank, 1:1 – 53 Gudmundsson.“Nyukasl” — “Sauthempton” 3:2
Gollar: 1:0 – 16 Uillok, 2:0 – 26 Almiron, 2:1 – 30 Minamino, 3:1 – 45 Almiron, 3:2 – 48 Uord-Prouz.“Fulhem” — “Vest Hem” 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)