Futbol bo‘yicha Italiya A Seriyasining 21-turidan o‘rin olgan bir qator uchrashuvlar 6-fevral, yakshanba kuni bo‘lib o‘tdi.
“Yuventus” turning markaziy o‘yinida “Roma”ga qarshi bahs yuritdi. Uchrashuvning 13-daqiqasida Krishtianu Ronaldu turinliklarni oldinga olib chiqdi. 69-daqiqada rimliklar vakili Rojer Ibanes o‘z darvozasini ishg‘ol qilib qo‘ydi. Qolgan vaqtda hisob o‘zgarmadi.
Ushbu g‘alabadan keyin “Yuventus” ochkolarini 42 taga yetkazib olgan holda 3-o‘ringa ko‘tarildi. “Roma” (40) esa 4-pog‘onaga tushib ketdi.
“Atalanta” musobaqa autsayderlaridan biri “Torino”ga qarshi o‘ynadi. Bergamoliklar 21-daqiqaga qadar uchta gol urgan holda hisobni yirik ko‘rinishga olib keldi. Biroq bunga turinliklar tanaffusga qadar ikkita va ikkinchi bo‘limdagi bitta gol bilan javob qaytara oldi.
“Atalanta” 37 ochko bilan 6-o‘rinda bormoqda, “Torino” (16) esa 17-pog‘onadan joy olgan.
A Seriya
21-tur bahslari
6-fevral, shanba
“Yuventus” — “Roma” 2:0
Gollar: 1:0 – 13 Ronaldu, 2:0 – 69, avtogol Rojer.“Yuventus”: Shensni, Kyellini, Aleks Sandro (de Ligt, 85), Bonuchchi (Demiral, 85), Danilo, Rabyo, Artur, Makkenni (Kuadrado, 65), Kyeza (Bernardeski, 82), Ronaldu, Morata (Kulusevski, 65).
“Roma”: Lopes, Karsdorp (Bruno Peres, 76), Kumbula, Manchini, Spinatssola, Vilyar (Diavara, 62), Kristante (Karles Peres, 63), Mxitaryan, Veretu, Rojer, Mayoral (Jeko, 63).
Ogohlantirishlar: Manchini (35), Artur (37), Kumbula (54), Ronaldu (62).
“Atalanta” — “Torino” 3:3
Gollar: 1:0 – 14 Ilichich, 2:0 – 19, avtogol Sirigu, 3:0 – 21 Muriel, 3:1 – 42 Belotti, 3:2 – 45 Bremer, 3:3 – 84 Bonatssoli.“Sassuolo” — “Spetsiya” 1:2
Gollar: 1:0 – 25 Kaputo, 1:1 – 39 Erlich, 1:2 – 78 Jasi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)