Футбол бўйича Италия А Сериясининг 21-турида «Женоа» 6 февраль, шанба куни «Наполи»ни қабул қилди.
Учрашувнинг 11-дақиқасида Горан Пандев генуяликларни ҳисобда олдинга олиб чиққан бўлса, орадан кўп ўтмай македониялик футболчининг ўзи дубль қайд этган ҳолда «Женоа»нинг иккинчи голини урди.
Шундан кейин устунлик неаполликлар томонига ўтди. Женнаро Гаттузо шогирдларининг қатор уринишлари 79-дақиқага келиб ўз самарасини берди: Маттео Политано ҳисобни қисқартиришга эришди. Бироқ қолган вақтда фарқ ўзгармади.
Элдор Шомуродов кичик жароҳат сабаб мазкур ўйинда жамоасига ёрдам бера олмади.
Ушбу ғалабадан кейин «Женоа» очколарини 24 тага етказиб олган ҳолда 11-ўринга кўтарилди. «Наполи» (37) эса 5-поғонада бормоқда.
А Серия
21-тур баҳси
6 февраль, шанба
«Женоа» — «Наполи» 2:1
Голлар: 1:0 – 11 Пандев, 2:0 – 26 Пандев, 2:1 – 79 Политано.«Женоа»: Перин, Заппакоста, Гольданига, Кришито, Чиборра, Стротман (Беҳрами, 68), Радованович, Бадель, Зайц (Ровелла, 88), Пандев (Скамакка, 68), Дестро (Портанова, 79).
«Наполи»: Оспина, Ди Лоренцо, Мариу Руй, Максимович, Манолас (Рраҳмани, 68), Элмаз, Демме (Бакаёко, 78), Лосано, Зелиньски (Инсинье, 54), Политано, Петанья (Осимҳен, 54).
Огоҳлантиришлар: Бадель (29), Чиборра (57), Лосано (73), Мариу Руй (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)