Koronavirus uchun dunyodagi eng birinchi tezkor testlardan birini yaratgan immunolog Endryu Bruk vafot etdi. Uning ixtirosi tegishli idoralar, shu jumladan, AQSh oziq-ovqat va farmatsevtika idorasi (FDA) tomonidan tasdiqlangan edi, deb yozmoqda “Komsomolskaya pravda”.
Nyu-Jersidagi Rutgers universitetida ishlagan Bruk 51 yoshda bo‘lgan. U ishlab chiqargan koronavirus testi bemorning burun bo‘shlig‘idan suyuqlik namunasi olish orqali qo‘llaniladi. Bu nafaqat kasallikni aniqlash tezligini sezilarli darajada oshirgan, balki tibbiyot xodimlarining biomateriallarni yig‘ishdagi ishtirokini minimallashtirgan.
Universitet veb-saytida immunolog haqida shunday axborot berilgan:
“COVID-19’ni so‘lak orqali aniqlaydigan birinchi testni ishlab chiqishga rahbarlik qilgan va pandemiyaga qarshi kurashda muhim rol o‘ynagan tadqiqotchi Endryu Bruk kutilmaganda vafot etdi”.
Marhumning singlisi olimning to‘satdan vafot etishiga yurak xuruji sabab bo‘lganini aytgan. Nyu-Jersi gubernatori Fil Myorfi tadqiqotchini “madh etilmagan qahramon” deb atadi.
Mavzuga doir:
Izoh (0)