Andijon viloyati Oltinko‘l tumanida yuk mashinasi haydovchi uxlab qolishi oqibatida ag‘darilib ketdi, deya xabar bermoqda YHXBB.
Ma’lum qilinishicha, 2021-yilning 4-fevral kuni soat 08:00 larda Andijon viloyati Oltinko‘l tumani Oqtepa qishlog‘i hududidan o‘tgan 4R–112 avtomobil yo‘lining 130-kilometrida 1992-yilda tug‘ilgan haydovchi R.T. Volvo rusumli yuk avtomobilida harakatlanayotib, charchoq sabab uxlab qolgan.
Oqibatida haydovchi boshqaruvni yo‘qotgan va yo‘ldan chiqib ketgan avtomobil pastlikka ag‘darilgan. Ag‘darilish vaqtida fuqaro N.U.ga tegishli bo‘lgan 7-xonadonning tunukadan yasalgan devor qismiga zarar yetgan.
Ag‘darilish natijasida tan jarohati olganlar yo‘q. Mazkur hodisa yuzasidan Oltinko‘l tumani IIB YHXB tomonidan surishtiruv ishlari olib borilmoqda.
Avvalroq Surxondaryoda YPX xodimi boshqaruvidagi somon ortilgan yuk mashinasi ag‘darilib ketgani, Farg‘onada Damas hamda MAN yuk mashinasi to‘qnashishi oqibatida haydovchilardan biri vafot etgani hamda Buxoroda issiq asfalt ortilgan yuk mashinasi 33 yoshli erkak ustiga ag‘darilgani haqida xabar berilgandi.
Izoh (0)