Yaponiyaning Honda kompaniyasi sirli model — kelajakdagi mashinalarni yodga soluvchi futuristik konsept-kar uchun patent oldi, deb xabar beradi Motor. Niderlandiyaning Autoweek nashri tomonidan e’lon qilingan avtomobil tasviri orqali uni barcha rakurslardan tomosha qilish mumkin.
Konseptual model Honda dizaynerlarining erkin fantaziyasiga o‘xshaydi, biroq yapon markasi baribir uning tashqi ko‘rinishini patentlashga qaror qilgan — bu kelajakda shu kabi shou-kar ommaga taqdim etilishi mumkinligidan dalolat beradi.
Ko‘zga tashlanadigan asosiy jihatlaridan biri — yopiq g‘ildiraklar gupchagidan kuzov panellari bo‘ylab tarqalgan uzun va ingichka chiziqlar. Ularning bir qismi an’anaviy tutqichlari bo‘lmagan eshikka ham o‘tgan: ehtimol, ular old g‘ildiraklar sohasida ancha keng bo‘lishi mumkin.
Konsept ulkan shisha tomga ega bo‘lgan bo‘lib, u yon va orqa, shuningdek, old oynalar o‘rnini egallagan. Old yon tomonlarida “singan” shakldagi optika, pastrog‘ida esa burchakli splitter joylashgan. Orqa qismida egilgan bamperni, ingichka faralar va “shildik” o‘rnini ko‘rish mumkin.
Shou-karning tashqi ko‘rinishiga ko‘ra, unga to‘liq elektromotor, shuningdek, elektronika jamlanmalari, jumladan avtopilot o‘rnatiladi. Honda anchadan buyon avtonom boshqaruv texnologiyalari ustida ish olib bormoqda: 2020-yilda marka SEA shkalasi bo‘yicha uchinchi darajali avtonomlikka ega avtomobilni bozorga chiqarishga va’da bergandi.
Avvalroq Honda avtomobillar uchun virusga qarshi niqob yaratgani to‘g‘risida xabar berilgandi.
Izoh (0)