Андижон вилояти Олтинкўл туманида юк машинаси ҳайдовчи ухлаб қолиши оқибатида ағдарилиб кетди, дея хабар бермоқда ЙҲХББ.
Маълум қилинишича, 2021 йилнинг 4 февраль куни соат 08:00 ларда Андижон вилояти Олтинкўл тумани Оқтепа қишлоғи ҳудудидан ўтган 4Р–112 автомобиль йўлининг 130-километрида 1992 йилда туғилган ҳайдовчи R.T. Volvo русумли юк автомобилида ҳаракатланаётиб, чарчоқ сабаб ухлаб қолган.
Оқибатида ҳайдовчи бошқарувни йўқотган ва йўлдан чиқиб кетган автомобиль пастликка ағдарилган. Ағдарилиш вақтида фуқаро Н.У.га тегишли бўлган 7-хонадоннинг тунукадан ясалган девор қисмига зарар етган.
Ағдарилиш натижасида тан жароҳати олганлар йўқ. Мазкур ҳодиса юзасидан Олтинкўл тумани ИИБ ЙҲХБ томонидан суриштирув ишлари олиб борилмоқда.
Аввалроқ Сурхондарёда ЙПХ ходими бошқарувидаги сомон ортилган юк машинаси ағдарилиб кетгани, Фарғонада Damas ҳамда MAN юк машинаси тўқнашиши оқибатида ҳайдовчилардан бири вафот этгани ҳамда Бухорода иссиқ асфальт ортилган юк машинаси 33 ёшли эркак устига ағдарилгани ҳақида хабар берилганди.
Изоҳ (0)