Boks bo‘yicha o‘zbekistonlik murabbiy Rustam Saidov Malayziya terma jamoasi bosh murabbiyi etib tayinlandi. Bu haqda Milliy olimpiya qo‘mitasi (MOQ) matbuot xizmati xabar bermoqda.
Qayd etilishicha, 42 yoshli mutaxassis Malayziya boks federatsiyasi bilan rasman shartnoma imzolagan.
Ma’lumot uchun, 1978-yilda tavallud topgan Rustam Saidov Sidney—2000 Olimpiya o‘yinlarida bronza medalini qo‘lga kiritgan. Shuningdek, u ikki karra Osiyo o‘yinlarida (Pusan—2002, Doha—2006) g‘alaba qozongan.
2011-yilda bokschilik faoliyatini yakunlagan Rustam Saidov shu vaqtga qadar murabbiylik faoliyatini olib borayotgandi. O‘z vaqtida O‘zbekiston terma jamoasi bosh murabbiyi sifatida ishlagan mutaxassis 2015-yilda Osiyoning eng yaxshi boks murabbiyi deb topilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)