Futbol bo‘yicha Angliya Premyer Ligasi 22-turi doirasida “Liverpul” 3-fevral, chorshanba kuni o‘z uyida “Brayton”ni qabul qildi va 0:1 hisobida yutqazdi.
Mersisayd klubi “Brayton”ga (safar o‘yini bo‘lgan) 1984-yil yanvaridan beri ilk bor yutqazdi. “Qizillar” “Brayton”ga o‘z uyida 1983-yil fevralida so‘nggi bor yutqazgandi. Mazkur ikkala mag‘lubiyat ham Angliya Kubogi doirasida qabul qilingan.
Angliya chempionatida esa “Liverpul” ushbu raqibga 1982-yil martidan beri yutqazmay kelayotgandi. Ya’ni “qizillar” 39 yildan beri milliy birinchilikda “Brayton”ga umuman yutqazmagan edi.
Ma’lumot uchun, Mersisayd klubi hisobida ayni damda 40 ochko bor va jamoa APL musoabaqa jadvalida 4-o‘rinda bormoqda. “Liverpul” navbatdagi uchrashuvni 7-fevral kuni “Manchester Siti”ga qarshi o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)