Boks bo‘yicha og‘ir vazn toifasida sobiq Jahon chempioni Mayk Tayson (50-6, 44 KO) ushbu vazn toifasida amaldagi WBC kamari sohibi Tayson Fyuri va WBA, IBF, WBO hamda IBO kamarlari sohibi Entoni Joshua o‘rtasidagi jang borasidagi fikrlari bilan o‘rtoqlashdi.
Taysonning so‘zlariga ko‘ra Joshuaning mag‘lubiyatiga olib kelishi mumkin bo‘lgan zaif tomoni bor.
“Bu juda qiziqarli jang bo‘ladi. Joshua juda yaxshi pancher (jang vaqtida o‘rtacha masofani saqlagan holda raqibini texnika va zarba kuchi bilan nokaut qilishga yo‘naltirilgan uslub), ammo uning zarbalarini kuzatish mumkin. U qanday zarba bermoqchi ekanini oldindan ko‘rsatib qo‘yayotganga o‘xshaydi. Fyuri kabi ulkan yigit bilan jangda esa bu Joshua uchun halokatga aylanishi mumkin”, — deydi Tayson.
Shuningdek, Mayk Tayson hozirgi og‘ir vazn divizionni kuchsiz deb hisoblaydiganlarning fikriga qo‘shilmasligini bildirdi.
“Divizionda ko‘plab ajoyib bokschilar yig‘ilgan. Divizionni yomon deyotganlar shunchaki hasad qilmoqda”, — dedi u.
Avvalroq Joshua va Fyuri o‘rtasida chempionlik jangi o‘tkazilishi WBO tashkiloti tomonidan ma’qullangani xabar qilingandi.
Mavzuga doir: Tayson Fyuri va Entoni Joshua o‘zaro jangdan qancha miqdorda pul ishlab olishi ma’lum bo‘ldi
Izoh (0)