Angren shahar obodonlashtirish boshqarmasi sobiq rahbari 638 mln so‘mni talon-toroj qilgani aniqlandi
Angrenda budjet mablag‘larini talon-toroj qilgan shahar obodonlashtirish boshqarmasi sobiq rahbariga jinoyat ishi qo‘zg‘atildi. Bu haqda “Daryo”ga Bosh prokuraturasi matbuot xizmati xabar berdi.
Ma’lum qilinishicha, Angren shahar obodonlashtirish boshqarmasi sobiq rahbari A.I., “A.S.” MChJ rahbari X.I., “J.T.” MChJ rahbari J.A. va boshqalar 2019-yilda shaharda amalga oshirilgan obodonlashtirish ishlarida smetada nazarda tutilgan ishlarning to‘liq bajarilmagani natijasida budjetdan ajratilgan 638,3 million so‘mni o‘zlashtirish yo‘li bilan talon-toroj qilgani aniqlangan.
Holat yuzasidan A.I. va boshqalarga nisbatan Jinoyat kodeksining 167-moddasi 3-qismi (juda ko‘p miqdorda o‘zlashtirish yoki rastrata) va 207-moddasi (mansabga sovuqqonlik bilan qarash) bilan jinoyat ishi qo‘zg‘atilib, tergov harakatlari o‘tkazilmoqda.
