Ангренда бюджет маблағларини талон-торож қилган шаҳар ободонлаштириш бошқармаси собиқ раҳбарига жиноят иши қўзғатилди. Бу ҳақда «Дарё»га Бош прокуратураси матбуот хизмати хабар берди.
Маълум қилинишича, Ангрен шаҳар ободонлаштириш бошқармаси собиқ раҳбари А.I., «А.С.» МЧЖ раҳбари Х.I., «Ж.Т.» МЧЖ раҳбари Ж.А. ва бошқалар 2019 йилда шаҳарда амалга оширилган ободонлаштириш ишларида сметада назарда тутилган ишларнинг тўлиқ бажарилмагани натижасида бюджетдан ажратилган 638,3 миллион сўмни ўзлаштириш йўли билан талон-торож қилгани аниқланган.
Ҳолат юзасидан А.I. ва бошқаларга нисбатан Жиноят кодексининг 167-моддаси 3-қисми (жуда кўп миқдорда ўзлаштириш ёки растрата) ва 207-моддаси (мансабга совуққонлик билан қараш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)