“Real” bosh murabbiyi Zinedin Zidan jamoani tark etgan bir qator futbolchilar boshqa chempionatlarda o‘zini ko‘rsatayotgani haqida fikr bildirdi.
Fransiyalik mutaxassisga Luka Yovich (“Ayntraxt”ga ijara asosida qaytdi), himoyachi Serxio Regilon (“Tottenhem”ga sotib yuborilgan) va yana bir himoyachi Ashraf Hakimi (“Inter”ga sotib yuborilgan) haqida savol berildi.
Har doimgidek men aybdorman. Murabbiyni ayblash oson. “Real”da o‘ynash juda og‘ir, buni futbolchilik paytimda anglaganman. Ba’zi vaqtlarda o‘yinchilar shu yerda qoladi. Ayrim hollarda esa ketishi va o‘zini ko‘rsatishi kerak bo‘ladi. Bu aynan Lukaga tegishli jihat.Yovichning transferi — yaxshi xarid. Men uning uchun xursandman, bir kun kelib u bu ishni Madridda ham amalga oshiradi. Bu klubda o‘ynash va boshqa jamoada harakat qilish — turli xil narsa. Lukada kelajak bor, u vaqti kelib “Real”da ham gollar urishi mumkin va bu barchaga tegishli. Bu yerda har doim kuchli raqobat bor, biroq bunga murabbiy aybdor emas.
Zinedin Zidan, “Real” bosh murabbiyi
Mavzuga doir: Oqsayotgan “Real”: Zidan jamoasini kim kuchaytira oladi?
O‘tgan 1,5 yil davomida Yovich “Real” safida bor-yo‘g‘i 11 o‘yinda asosiy tarkibda maydonga tushdi va jami ming daqiqadan kamroq harakat qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)