“Kvanju” klubi va O‘zbekiston terma jamoasi markaziy himoyachisi Rustam Ashurmatov faoliyatini Janubiy Koreyaning boshqa bir jamoasida davom ettiradi.
24 yoshli futbolchi “Kanvon” bilan shartnoma imzoladi. Bu haqda klub matbuot xizmati ma’lum qildi.
“Kanvon” uchun eng foydali o‘yinchiga aylanishni istayman. Maqsadim — o‘z chizig‘imda bor kuchim bilan harakat qilish va imkon darajasida gol urishni xohlayman.Ashurmatov 2019-yilda “Bunyodkor”dan “Kvanju” safiga yo‘l olgandi. Rustam ikki yillik faoliyati davomida jamoasining Key-Ligaga chiqishiga yordam berdi va 2020-yilgi mavsum oliy divizionda 6-o‘rinni qo‘lga kiritdi.Rustam Ashurmatov, futbolchi
“Kanvon” 2008-yilda tashkil topgan bo‘lib, 2017-yildan buyon muntazam Key-Ligada qatnashib keladi. 2020-yilgi mavsumni jamoa 7-o‘rinda tugatgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)