Yengil vazn toifasida UFC chempioni Habib Nurmagomedov (29-0) yarim yengil divizion sobiq chempioni Maks Hollouey (22-6) haqidagi fikrlari bilan o‘rtoqlashdi.
“Menga Maks juda yoqadi, biz 2018-yilda jang qilishimiz kerak edi. O‘ylashimcha, uning vaqti keladi, shu yil oxirida, balki, keyingi yilda.
Ayni damda u ikki yil avvalgiga qaraganda ancha kuchli. Kelajakda o‘zini ko‘rsatishga imkon bo‘ladi va balki, barcha davrlarning eng yaxshi jangchisi bo‘lib yetishar”, — deydi Habib.
Hollouey 16-yanvar kuni bo‘lib o‘tgan UFC on ABC musobaqasining asosiy jangida Kelvin Kattarga qarshi bahs yuritdi va besh raund davom etgan bellashuvda katta ustunlik bilan g‘alaba qozondi.
2018-yilda Habib va Toni Fergyuson o‘rtasidagi jang amerikalik yakkakurashchining jarohati sabab bekor bo‘ladi, uning o‘rniga esa Hollouey raqib sifatida tanlanadi. Biroq jangdan bir necha kun oldin Maks vazn tashlash natijasida o‘zini yomon his qiladi va jangdan voz kechadi. Oxir-oqibat Nurmagomedov El-Yakvintaga qarshi jang qiladi. UFC prezidenti bu jang g‘olibiga yengil divizionning vakant bo‘lib turgan chempionlik kamari topshirilishini ma’lum qiladi. Habib esa g‘alaba qozongan holda chempionga aylanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)