2020-yilning eng mashhur mobil dasturlari reytingi e’lon qilindi

App Annie kompaniyasi tahlilchilari 2020-yilning eng mashhur mobil dasturlari reytingini e’lon qildi, deb xabar beradi TechCrunch.

Ro‘yxat bir nechta yo‘nalishga bo‘lingan: yuklab olinishi, foydalanuvchilar tomonidan sarflangan mablag‘lar, shuningdek, auditoriyaning faolligi bo‘yicha.

2020-yilda iOS va Android qurilmalari uchun eng ko‘p yuklab olingan mobil dastur — TikTok. App Annie’ning prognoziga ko‘ra, 2021-yilda servisning faol foydalanuvchilari soni milliarddan oshadi.

Shuningdek, eng ko‘p yuklab olingan dasturlar qatoridan Facebook, WhatsApp, Zoom va Instagram ham o‘rin olgan.

Foydalanuvchilar o‘z pullarini asosan Tinder tanishuv dasturiga sarflagan bo‘lsa, Facebook auditoriyasi eng faol deb topilgan.

Avvalroq Google Android’lar uchun 2020-yilning eng yaxshi mobil dasturlari va o‘yinlari nomini e’lon qilgandi.