Хитойнинг таниқли Master Lu бенчмарки жамоаси 2020 йил якунлари бўйича бир маромда ишлайдиган смартфонлар рейтингни тақдим этди, деб хабар беради IXBT.
Биринчи мукофот Хитойдан ташқарида Xiaomi Mi 10 Ultra номи остида сотувга чиққан Xiaomi Mi 10 Extreme Commemorative Edition’га насиб этди. Смартфон 202,72 балл тўплаган (ўртача).
Master Lu экспертларининг тушунтиришича, Xiaomi флагмани Android смартфонлари орасида биринчи бор ўртача 200 баллик маррадан ўтган. Ютуқлари орасида MIUI 12, 120 герц янгиланиш частотасига эга экран ва UFS3.1’ли LPDDR6 хотираси санаб ўтилган. Мутахассисларнинг сўзларига кўра, Android’да ишлайдиган мазкур смартфон бир маромда ишлаши худди iOS’даги iPhone’никига ўхшаш.
Иккинчи ўрин — Redmi K30S Extreme Commemerative Edition’га (Redmi K30 Ultra) насиб этган бўлса, Oppo Find X2 Pro учинчи ўринни эгаллаган. Шунингдек, рейтингнинг Топ-10 рўйхатидан қуйидаги моделлар ўрин олган: Nubia Red Magic 5S, Oppo Ace2, Huawei Mate 40 Pro, Nubia Red Magic 5G, Honor 30 Pro+, Huawei P40 Pro+ ва iQOO Neo3.
Аввалроқ Android’да ишлайдиган энг самарадор ўртача нархдаги смартфонлар рейтинги эълон қилинган эди.
Изоҳ (0)