6-yanvar kuni avtoraqamlar onlayn-auksionida Samarqand viloyatiga tegishli avtoraqamlardan biri 250 million 875 ming so‘mga sotildi.
“Kun.uz”ning yozishicha, Samarqand viloyatiga tegishli 30 O 010 OO avtoraqamiga 66 million 900 ming so‘m boshlang‘ich narx belgilangan. Xaridorlar uning narxini 4 barobar oshirib yuborgan. Ta’kidlanishicha, uni sotib olgan xaridor vositachilik yig‘imi uchun qariyb 10 million so‘m to‘laydi.
Bundan ikki kun avval, 4-yanvar kuni o‘tkazilgan savdolardan birida Samarqand viloyatiga tegishli bo‘lgan 30 Z 777 ZZ avtoraqami rekord narxda sotilgan edi. O‘sha kuni xaridorlardan biri mazkur avtoraqamni 596 million 525 ming so‘mga sotib oldi. Qayd etilishicha, mazkur avtoraqamning boshlang‘ich narxi 111 million 500 ming so‘m bo‘lgan. Savdo jarayonida xaridorlar tomonidan uning narxi 10o martadan oshiqroq ko‘tarilgan.
Ma’lumot uchun, 250 million 875 ming so‘mga sotilgan avtoraqam O‘zbekistonda sotilgan avtoraqamlar orasida narx borasida uchinchi o‘rinni egallaydi. Undan yuqori narxga baholangan ikkita avtoraqam ham Samarqand viloyatiga tegishli hisoblanadi. 2017-yilning 1-noyabr kuni Samarqandda istiqomat qiluvchi tadbirkor uni 287 million so‘mga 30 777 ААА avtoraqamini sotib olgandi.
Avvalroq O‘zbekistonda o‘tgan bir yil ichida 262,6 milliard so‘mlik chiroyli avtoraqamlar sotilgani to‘g‘risida xabar berilgandi.
Eslatib o‘tamiz, avtoraqamlarni onlayn-auksionlarda sotilishidan kelib tushgan mablag‘larning 80 foizi davlat budjetiga, 20 foizi Ichki ishlar vazirligining moddiy-texnik bazasini rivojlantirish, xodimlarini moddiy rag‘batlantirish va boshqa xarajatlar maxsus jamg‘armasiga yo‘naltiriladi.
Izoh (0)