Toshkent viloyati bosh infeksionisti Guljahon Yo‘ldosheva va boshqalarga nisbatan navbatdagi sud majlisi 4-yanvar, dushanba kuni bo‘lib o‘tdi. Guvoh va mutaxassislarning ko‘rsatmalari tinglandi, deb yozadi “Kun.uz”.
O‘ninchi sud majlisida ishga guvoh va mutaxassis sifatida jalb etilgan Maftuna Ibragimova, Abdumalik Abdurahmonov, Valijon Xolmetov, Yusuf Isomov, Ravshan Qoraboyev, Komiljon G‘oyibnazarov va Akbar Eshaliyevning ko‘rsatmalari tinglangan.
Qayd etilishicha, sud majlisida guvohlarga davlat ayblovchilari va sudlanuvchilarning advokatlari savollar bilan murojaat qilgan.
Sud raisi mazkur sud majlisida sud jarayonlarini bevosita kuzatib borayotganlardan protsessni yoritishda xolislikka rioya etishi lozimligi yuzasidan ogohlantirilgan. Ammo raislik etuvchi ogohlantirishning aniq shartlari va sud jarayonini yoritishning cheklangan tartiblari haqida ko‘rsatma bermagan.
Sud 2021-yil 7-yanvar soat 10:00 gacha tanaffus e’lon qilgan.
Mavzuga doir:
- Toshkent viloyati bosh infeksionisti Guljahon Yo‘ldoshevaning sudida navbatdagi guvohlar ko‘rsatmalari tinglandi. Sud 4-yanvargacha tanaffus e’lon qildi
- Toshkent viloyati bosh infeksionisti Guljahon Yo‘ldosheva sudda bemorning o‘limiga aloqasi yo‘qligini ta’kidladi
- Guljahon Yo‘ldosheva ishi: Dispanser bosh shifokori marhumni ko‘chirishda viloyat SSBdan topshiriq bo‘lganini aytdi
Uning qamoqqa olinishi jamoatchilik o‘rtasida keng muhokamalarga sabab bo‘ldi. Bir qator davlat va nodavlat tashkilotlarning rahbarlari, xususan, Senat raisi Tanzila Norboyeva, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari, gender tenglikni ta’minlash masalalari bo‘yicha komissiya a’zosi Saida Mirziyoyeva mazkur hodisaga munosabat bildirib, prokuraturani shifokorga nisbatan qo‘llanilgan ehtiyot chorasini o‘zgartirishga chaqirgan. Shundan so‘ng Guljahon Yo‘ldosheva 6-oktabr kuni uy qamog‘iga o‘tkazilgandi.
Guljahon Yo‘ldosheva va boshqalarga nisbatan sud jarayonlari 27-noyabr kuni boshlangan.
Izoh (0)