“Barselona” bosh murabbiyi Ronald Kuman La Liga 17-turi doirasida 3-yanvar kuni “Ueska”ga qarshi kechgan bahsdan (1:0) keyin o‘z fikrlari bilan o‘rtoqlashdi.
Men jamoadagi barcha o‘yinchiga ishonaman. Lionel va Dembele orqali hujum ortiga urg‘u qaratamiz, keyin esa oldingi chiziq uchun Breytueyt yoki Grizmanndan birini tanlaymiz. Martin bu uchrashuvda yaxshi o‘ynadi.Eslatib o‘tamiz, “Barselona” yozgi transfer oynasida jamoa to‘purarlaridan biri Luis Suaresni “Atletiko”ga qo‘yib yuborgandi.Bizga markaziy hujumchi yetishmayapti, biroq bu Antuanning almashishiga umuman bog‘liq emas. Bizda o‘yinlar ko‘p va barcha futbolchilar kerak. Mavsum boshida hujumda tajovuzkorlikni oshirish, raqobatni shakllantirish kerakligi haqida bir necha bor ta’kidlagandik. Biroq bu ko‘p jihatlarga bog‘liq.
Ronald Kuman, “Barselona” bosh murabbiyi
Ma’lumot uchun, Suares “Atletiko” safida La Liga joriy mavsumida 9 ta gol va ikkita golli uzatma amalga oshirdi. “Barselona”ning uch hujumchisi — Grizmann, Dembele, Breytueyt esa umumiy hisobda 7 gol va 2 ta assist amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)