“Yuventus” hujumchisi Krishtianu Ronaldu rasmiy o‘yinlardagi gollar soni bo‘yicha Pelening ko‘rsatkichini yangiladi.
A Seriya 15-turi doirasida 3-yanvar kuni “Udineze”ga qarshi bahsda (4:1) Ronaldu dubl muallifiga aylandi. Bu portugaliyalik futbolchi uchun rasmiy o‘yinlardagi 757 va 758-gol bo‘ldi.
Ronaldu “Sporting”, “Manchester Yunayted”, “Real” va “Yuventus”, shuningdek, Portugaliya terma jamoasi safida umumiy 1032 ta o‘yin o‘tkazgan.
Pele 812 ta rasmiy o‘yinda 757 ta gol urgandi.
Avvalroq “Barselona” hujumchisi Lionel Messi bir klub safidagi gollar soni bo‘yicha Pelening rekordini (643) yangilagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)