“Jenoa” hujumchi Eldor Shomurodov A Seriya 15-turi doirasida 3-yanvar kuni “Latsio”ga qarshi kechgan o‘yinda (1:1) maydonga tushdi.
O‘zbekistonlik futbolchi ikkinchi bo‘lim boshida zaxiradan maydonga qo‘shildi va ko‘p o‘tmay golli uzatma amalga oshirdi.
O‘yindan so‘ng WhoScored portali ushbu uchrashuv futbolchilari reytingini e’lon qildi. Unga ko‘ra, Shomurodov 6,8 ballga loyiq ko‘rilgan. Bu “Jenoa” futbolchilari orasidagi 4-eng yaxshi natija bo‘ldi.
Shomurodov o‘zi harakat qilgan 45 daqiqa davomida golli uzatmadan tashqari uch marta darvoza tomon zarba berdi, bitta muvaffaqiyatli dribling ishlatdi. Eldor 11 ta uzatma amalga oshirdi va ularning 8 tasi (73%) aniq chiqdi. Shuningdek, futbolchi 9 bor yakkakurashlarga kirishib, ularning ikkitasida g‘olib chiqdi.
Yana bir tahliliy portal — SofaScore Shomurodovga 7,2 ball qo‘ygan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)