Futbol bo‘yicha Italiya A Seriyasining 15-turida “Yuventus” 3-yanvar, yakshanba kuni “Udineze”ni mehmon qildi.
Uchrashuv turinliklarning hujumlari ostida boshlandi. Qator urinishlar 31-daqiqaga kelib o‘z samarasini berdi. Krishtianu Ronaldu raqib jarima maydoniga yorib kirgan holda darvozani ishg‘ol qildi.
Ikkinchi bo‘lim gollarga boy bo‘ldi. Ronaldu yana bir gol urib, dublni rasmiylashtirgan bo‘lsa, Federiko Kyeza va Paulo Dibala ham maydonni golsiz tark etmadi.
“Milan” safarda “Benevento” bilan o‘ynadi. Uchrashuvning 15-daqiqada Frank Kessie milanliklarni oldinga olib chiqdi. 33-daqiqada Sandro Tonalining chetlatilishidan keyin “Milan” bir o‘yinchi kam bo‘lib qoldi. Biroq sondagi ustunlikdan maydon egalari unumli foydalana olmadi. Ikkinchi bo‘lim debyutida Rafael Leau mehmonlarning ikkinchi golini urdi va shu hisob o‘yin yakuniga qadar saqlanib qoldi.
15-turdan keyin musobaqa jadvali quyidagi ko‘rinishni oldi:
A Seriya
15-tur bahslari
3-yanvar, yakshanba
“Yuventus” — “Udineze” 4:1
Gollar: 1:0 – 31 Ronaldu, 2:0 – 49 Kyeza, 3:0 – 70 Ronaldu, 3:1 – 90 Zegelar, 4:1 – 90+3 Dibala.“Yuventus”: Shensni, Danilo, Bonuchchi (Kellini, 83), de Ligt, Aleks Sandro (Frabotta, 83), Makkenni (Artur, 65), Remzi (Kulusevski, 74), Bentankur, Kyeza (Bernardeski, 74), Dibala, Ronaldu.
“Udineze”: Musso, Larsen, Bonifatsi, De Mayo (Molina, 64), Zegelar, Pereyra (Mandragora, 74), de Paul, Pussetto (Foresteri, 46), Uolas (Makengo, 81), Samir, Lazanya (Nestorovski, 74).
Ogohlantirishlar: Kyeza (7), Makkenni (33), de Ligt (64).
“Benevento” — “Milan” 0:2
Gollar: 0:1 – 15, penalti Kessie, 0:2 – 49 Rafael Leau.“Benevento”: Montipo, Letitsia (Improta, 39), Tuyya (Fulon, 62), Glik, Barba, Xetemay (Monchini, 46), Skyattarella, Ionitse, Insinye (Sau, 82), Kaprari (Di Serio, 81), Lapadula.
“Milan”: Donnarumma, Kalabriya (Konti, 81), Kyer (Kalulu, 81), Romanyoli, Diogu Dalot, Tonali, Kessie, Braim Dias (Krunich, 36), Chalxono‘g‘lu, Rebich (Kastilyexo, 71), Rafael Leau.
Ogohlantirishlar: Skyattarella (32), Chalxono‘g‘lu (41), Diogu Dalot (78), Rafael Leau (80).
Chetlatish: Tonali (33).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)