Futbol bo‘yicha Ispaniya La Ligasining 17-turida “Real” 2-yanvar, shanba kuni “Selta”ni qabul qildi.
Uchrashuv vigoliklarning hujumlari bilan boshlangan bo‘lsa-da, madridliklar dastlabki xavfli hujumni golga aylantirdi. 6-daqiqada Marko Asensioning uzatmasidan keyin Lukas Vaskes o‘z hisobiga gol yozdirib qo‘ydi. Tanaffusga qadar har ikki jamoa vakillarida yana bir nechta vaziyatlar bo‘ldi, biroq birinchi bo‘limda boshqa gol bo‘lmadi.
Ikkinchi bo‘lim debyuti ham “Real”ga omadli keldi, 53-daqiqada Asensio jamoasining qarshi hujumini muvaffaqiyatli yakunlandi. Qolgan vaqtda Zinedin Zidan shogirdlari vaziyatni nazorat qildi.
Mazkur g‘alabadan keyin “Real” ochkolarini 37 taga yetkazib oldi va birinchi o‘ringa ko‘tarilib oldi. “Qaymoqranglilar” uchta zaxira o‘yiniga ega “Atletiko”ni bir ochkoga ortda qoldirmoqda. “Selta” (23) esa 8-pog‘onada qoldi.
La Liga
17-tur bahslari
2-yanvar, shanba
“Real Madrid” — “Selta” 2:0
Gollar: 1:0 – 6 Vaskes, 2:0 – 53 Asensio.“Real Madrid”: Kurtua, Mendi, Karvaxal (Vinisius Junior, 85), Nacho, Varan, Kazemiro, Kroos (Valverde, 85), Vaskes, Modrich (Edegor, 85), Asensio (Azar, 74), Benzema (Mariano Dias, 90).
“Selta”: Ruben Blanko, Murilyo, Olasa, Arauxo, Malo, Mendes, Tapiya, Denis Suares, Nolito (Baesa, 64), Aspas (Beltran, 51), Santi Mina.
Ogohlantirishlar: Mendes (10), Asensio (38), Tapiya (42), Nacho (50), Karvaxal (84), Kazemiro (87).
“Vilyarreal” — “Levante” 2:1
Gollar: 1:0 – 19 Fer Nino, 2:0 – 54 Jerar Moreno, 2:1 – 73 Leon.“Betis” — “Sevilya” 1:1
Gollar: 0:1 – 48 Suso, 1:1 – 53, penalti Kanales.“Xetafe” — “Valyadolid” 0:1
Gol: 0:1 – 37 Veysman.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)