Shotlandiyaning birinchi vaziri Nikola Sterjen mamlakat yaqin orada Yevropa Ittifoqiga qaytishini ma’lum qildi. “RBK”ning xabar berishicha, bu haqda u 1-yanvar kuni Twitter’dagi sahifasida e’lon qildi.
“Yevropa, Shotlandiya tez orada qaytadi. Chiroqni o‘chirma”, — deb yozgan va ushbu tvitga YeI va Shotlandiya bayroqlari bir nechta emojisi, yurakchalar hamda YeI va mamlakat birligini ifodalovchi sur’atni qo‘shib qo‘ygan.
Dekabr oyi oxirida YeI va London Brexit’dan keyin savdo munosabatlari to‘g‘risida kelishuvga erishdi va u 2021 yil 1-yanvarda kuchga kirdi. Buyuk Britaniya YeIdan rasman 1 yil avval chiqqan, ammo murosaga kelguncha eski qoidalar amal qilishda davom etdi.
Shotlandiya rasmiylari mamlakatning Yevropa Ittifoqidan chiqishiga qarshi ekanliklari haqida bir necha bor bildirgan va kelajakda Buyuk Britaniya undan chiqishini aytgan. 2014-yilda o‘tkazilgan referendum shotlandlarning 55 foizi Buyuk Britaniyadan ajralishiga qarshi ekanligini ko‘rsatgan.
2019-yil aprel oyida Sterjen aksariyat aholining istagiga ko‘ra 2021-yil mayiga qadar yana bir referendum o‘tkazishga va’da berdi. 2019-yil oktabrida Edinburgda Buyuk Britaniyadan mustaqillikni qo‘llab-quvvatlovchi 200 ming kishilik marsh bo‘lib o‘tdi.
2020-yilning yanvarida Buyuk Britaniya bosh vaziri Boris Jonson Shotlandiya rasmiylarining yangi referendum o‘tkazishini rad etdi. U Sterjen va uning tarafdorlari 2014-yilgi referendum mustaqillik haqidagi “avlodlar davomidagi yagona” referendum bo‘lishiga va’da berganini eslatgan.
Izoh (0)