Amaldagi emlash tezligi bilan AQShdagi ommaviy vaksinatsiya 10 yildan so‘ng yakunlanadi. Bu haqda 30-dekabr, chorshanba kuni NBC News xabar qildi.
“NBC News tomonidan AQSh ma’muriyatining COVID-19 vaksinasi dasturining hozirgi sur’ati asosida olib borilgan tahlil shuni ko‘rsatdiki, amerikaliklarni emlash va pandemiyani nazorat ostiga olish uchun deyarli 10 yil vaqt ketadi”, — deyiladi xabarda.
Mamlakatdagi jurnalistlar pandemiya bilan kurashish uchun o‘n yil davom etadigan Incredible Speed deb nomlangan emlash operatsiyasini tanqid qilmoqda. Ta’kidlanishicha, Incredible Speed operatsiyasi iyun oyiga qadar 330,7 million AQSh aholisining 80 foizini koronavirusga qarshi emlashga mo‘ljallangan.
“Ushbu maqsadga erishish uchun har kuni 3 milliondan sal ko‘proq odamni emlash kerak. Biroq so‘nggi ikki hafta ichida 11,5 million dozada atigi 2 millionga yaqin odam emlanadi”, — deyiladi xabarda.
Hozirga qadar emlanganlarning aksariyati qariyalar uyida yashovchilar va u yerning xodimlari.
AQShning saylangan prezidenti Jo Bayden emlash ishlarini tezlashtirish uchun harbiy holatdan foydalanishini aytdi.
Eslatib o‘tamiz, AQShda 14-dekabr kuni koronavirusga qarshi emlash boshlandi. Kasalliklar nazorati va profilaktikasi markazlari (CDC) ma’lumotlariga ko‘ra, 2020-yil oxirigacha Amerika hukumati 40 million kishini emlashni rejalashtirmoqda.
Avvalroq AQShda COVID-19’ga qarshi vaksina olishdagi firibgarliklar bo‘yicha tekshiruv boshlangani haqida xabar berilgandi.
Izoh (0)