AQSh Moliya vazirligi banklar va boshqa muassasalar xodimlarini koronavirusga qarshi vaksinalar va dorilarni aholi o‘rtasida taqsimlash bilan bog‘liq firibgarliklarni amalga oshirishga urinishlar yuz berishi mumkinligi haqida ogohlantirdi, deb yozadi “TASS”.
“COVID-19’ga qarshi vaksinaga aloqador firibgarlik sertifikatlanmagan yoki noqonuniy taklif qilinuvchi dorilarni sotishni, tasdiqlangan vaksinalarning qalbaki variantlarini hamda tasdiqlangan vaksinalarni noqonuniy qayta sotishlarni o‘z ichiga olishi mumkin, — deyiladi hujjatda. — Firibgarlar allaqachon o‘z ‘mijozlari’ga pul evaziga vaksinani tarqatish rejasidagidan ham ertaroq yetkazib berishni taklif qilgan”.
Nyu-York shtati hukumati koronavirusga qarshi vaksinalarga aloqador firibgarlik uchun tibbiy muassasalar va mutaxassislardan 1 million dollargacha miqdorda jarima undirib olishga tayyor.
Shtat gubernatori Endryu Kuomo ta’kidlashicha, AQShning Nyu-York shtatida politsiya COVID-19’ga qarshi vaksinani tarqatish va jismoniy shaxslarga taqdim etish bo‘yicha qoidani chetlab o‘tgan holda uni firibgarlik yo‘llari orqali olish bilan bog‘liq ma’lumotlarni tekshirmoqda.
Eslatib o‘tamiz, AQShda 14-dekabr kuni koronavirusga qarshi emlash boshlandi. Birinchi navbatda kasallanganlar bilan ishlayotgan tibbiyot xodimlari emlanmoqda. Kasalliklar nazorati va profilaktikasi markazlari (CDC) ma’lumotlariga ko‘ra, 2020-yil oxirigacha Amerika hukumati 40 million kishini emlashni rejalashtirmoqda.
Mavzuga doir:
- AQShda COVID-19’ga qarshi vaksina olishdagi firibgarliklar bo‘yicha tekshiruv boshlandi
- AQShda Moderna vaksinasi foydalanish uchun tasdiqlandi
- AQShda koronavirusga qarshi emlash boshlandi
- AQSh hukumati koronavirusga qarshi Pfizer vaksinasidan foydalanishga ruxsat berdi. Donald Tramp ommaviy vakinatsiya 24 soat ichida boshlanishini va’da qilgan
Izoh (0)